राष्ट्रीय भ्रष्टाचार विरोधी जनशक्ती संघटनेचे अक्कलकोट तालुका अध्यक्षपदी संजय घोडके यांची निवड

राष्ट्रीय भ्रष्टाचार विरोधी जनशक्ती संघटनेचे अक्कलकोट तालुका अध्यक्षपदी संजय घोडके यांची निवड

अक्कलकोट (प्रतिनिधी) :
राष्ट्रीय भ्रष्टाचार विरोधी जनशक्ती संघटनेच्या अक्कलकोट तालुका अध्यक्षपदी संजय घोडके यांची निवड करण्यात आली आहे. महाराष्ट्र प्रदेश सरचिटणीस मलिक पठाण यांच्या हस्ते घोडके यांना नियुक्तीपत्र देण्यात आले.

   

संजय घोडके हे सामाजिक कार्यकर्ते म्हणून तालुका स्तरावर परिचित असून त्यांनी विविध सामाजिक उपक्रमांतून आपली वेगळी ओळख निर्माण केली आहे. कारागीर, उद्योजक, तसेच महिला बचत गटांच्या माध्यमातून त्यांनी सक्षमीकरणासाठी मोठे योगदान दिले आहे. गावोगावी वाचनालय उभारून ज्ञानप्रबोधनाचा दीप पेटविणे, युवकांना उद्योगधंद्यासाठी मार्गदर्शन करणे, तसेच शासकीय विभागांतून मिळालेल्या अनुभवातून समाजोपयोगी उपक्रम हाती घेणे ही त्यांची कार्यशैली आहे.

यापूर्वीही त्यांनी अनेक शैक्षणिक, सामाजिक आणि सांस्कृतिक कार्यक्रमांत पुढाकार घेऊन कार्य केले आहे. त्यांचा हा सर्वांगीण अनुभव व कार्यतत्परता लक्षात घेऊन त्यांची तालुका अध्यक्षपदी नियुक्ती करण्यात आली असल्याचे सरचिटणीस मलिक पठाण यांनी सांगितले.

घोडके यांच्या नियुक्तीने अक्कलकोट तालुक्यात भ्रष्टाचार विरोधी जनशक्ती संघटनेचे काम अधिक गतिमान व प्रभावी होईल, असा विश्वास संघटनेतील पदाधिकाऱ्यांनी व्यक्त केला आहे.