गावगाथा
*पुरस्काराने कार्याला बळ मिळते* – सुनील गोसावी
जनकल्याणचे राष्ट्रसंत तुकडोजी पुरस्कार प्रदान
*पुरस्काराने कार्याला बळ मिळते* – सुनील गोसावी
जनकल्याणचे राष्ट्रसंत तुकडोजी पुरस्कार प्रदान
(अहमदनगर प्रतिनिधी,संतोष शिंदे ) :
*परिवर्तनाच्या चळवळीत योगदान देणाऱ्या विविध क्षेत्रातील व्यक्तींना राष्ट्रसंत तुकडोजी महाराजांच्या नावाचा पुरस्कार मिळाल्याने त्यांच्या कार्याला मोठं बळ प्राप्त झालं असे प्रतिपादन पुरस्कार प्रदान सोहळ्याचे अध्यक्ष व शब्दगंध साहित्यिक परिषदेचे सचिव सुनील गोसावी यांनी केले.
नेवासा तालुक्यातील गोंडेगाव येथील जनकल्याण फौंडेशनचे राष्ट्रसंत तुकडोजी महाराज २०२४ चे पुरस्कार प्रदान सोहळा सुनील गोसावी यांचे अध्यक्षतेखाली व अंधश्रद्धा निर्मूलन समितीचे महाराष्ट्र राज्य सल्लागार , जनकल्याण फाउंडेशनचे मार्गदर्शक काँ. बाबा आरगडे , प्राचार्य जी.पी.ढाकणे यांचे हस्ते विविध मान्यवरांच्या उपस्थितीत प्रदान करण्यात आले.व्यासपीठावर सुभाष सोनवणे, प्रा.डॉ.अशोक कानडे , शिवशाहीर भारत गाडेकर,डॉ. अशोकराव ढगे,आनंदा साळवे , प्राचार्य डॉ.किशोर घनवटे, शाहीर सखाराम महापुरे ,जनकल्याण फौंडेशनचे अध्यक्ष पांडुरंग रोडगे आदींची प्रमुख उपस्थिती होती.
जनकल्याण फौंडेशन चे मार्गदर्शक काॕ.बाबा आरगडे म्हणाले , सध्या अनेक ठिकाणी पुरस्कारांचं अवमूल्यन होत आहे.मात्र चांगल्या कामाला प्रोत्साहन मिळावं म्हणून गोंडेगाव सारख्या खेड्यातुन राष्ट्रसंत तुकडोजी महाराजांच्या नावाने देण्यात येणारे पुरस्कार वेगळा संदेश देतात.समाजातील चांगलं काम शोधून पुरस्कार देणे ही मोठी जबाबदारी आहे.
जनकल्याण फाउंडेशन च्या वतीने डॉ.सुधाकर पेटकर (संगमनेर – सामाजिक ), अशोक शर्मा ( बेलवंडी – साहित्यिक ), राणी शिरसाठ (आव्हाने – आरोग्य ) ,बाळासाहेब कोठुळे ( चितळी – कृषी ), सुधीर चव्हाण (नेवासा – पत्रकारीता ),जालिंदर बोरुडे ( नागरदेवळे – समाजभुषण ) ,शिवशाहीर डॉक्टर विजय तनपुरे (राहुरी – कलावंत ), रघुनाथ दरंदले ( सोनई – ग्रंथपाल ), मनीषा धनापुरे ( भेंडा – क्रिडा ). विशेष पुरस्कार – डाॕ. शैलेंद्र भणगे ( श्रीरामपुर ) , रज्जाकभाई शेख ( खोकर ) सौ. रेणुका सचिन चौधरी ( रांजणगाव )कोरोना एकल महिला व त्यांच्या बालकांसाठी विशेष कार्य .प्रा. शितल धरम ( शिर्डी ).स्पर्धा परिक्षेतील गुणवंत – विकास कर्डीले ( उप जिल्हाधिकारी ), अविनाश लोढे ( उप आयुक्त ) ,मयुर दाणे ( राज्य कर निरिक्षक ) आदिंना उपस्थित मान्यवरांच्या हस्ते पुरस्कार प्रदान करण्यात आले.
डाॕ. विजय तनपुरे , सुभाष सोनवणे , शिवशाहिर भारत गाडेकर , मनिषा धानापुने , प्राचार्य जी.पी.ढाकणे , डाॕ.अशोकराव ढगे आदिंनी मनोगत व्यक्त केले.
चिमुकली ओवी प्रसाद काळे हिने छत्रपतींचा पोवाडा आवेष व जोशपुर्ण गात उपस्थितांची दाद मिळवली.
प्रारंभी राष्ट्रसंत तुकडोजी महाराज यांच्या जयंती निमित्त त्यांच्या प्रतिमेस उपस्थित मान्यवरांनी पुष्पहार अर्पण करुन अभिवादन केले. पुरस्कार सोहळ्यास परिसरातील विविध संस्था , संघटना , मंडळ , राजकिय , सामाजिक क्षेत्रातील व्यक्ती , पदाधिकारी उपस्थित होते.
फोटोओळी
भेंडा – राष्ट्रसंत तुकडोजी महाराज पुरस्कार प्राप्त व्यक्ती व मान्यवर अतिथी. ( छाया – कारभारी गरड )
