मोठी बातमी ! काँग्रेसचे पुण्यातील बहुचर्चित माजी आमदार रवींद्र धंगेकर यांचा अखेर काँग्रेसला रामराम; उपमुख्यमंत्री एकनाथ शिदे यांच्या शिवसेनेत आज होणार पक्षप्रवेश

मोठी बातमी ! काँग्रेसचे पुण्यातील बहुचर्चित माजी आमदार रवींद्र धंगेकर यांचा अखेर काँग्रेसला रामराम; उपमुख्यमंत्री एकनाथ शिदे यांच्या शिवसेनेत आज होणार पक्षप्रवेश

पुणे —विधानसभेच्या कसबा पोटनिवडणुकीत जायंट किलर ठरलेले काँग्रेसचे नेते रवींद्र धंगेकर अखेर काँग्रेसला रामराम ठोकणार आहेत. गेल्या काही दिवसांपासून रवींद्र धंगेकर हे शिवसेना एकनाथ शिंदे गटाच्या वाटेवर असल्याच्या चर्चा सुरू होत्या. विधानसभा निवडणुकीनंतर धंगेकर यांनी ठाण्यात जाऊन उपमुख्यमंत्री एकनाथ शिंदे यांची भेट घेतली होती. या भेटीनंतर धंगेकर काँग्रेस सोडून जाणार असल्याच्या चर्चा मोठ्या प्रमाणात रंगल्या होत्या.

   

काही दिवसांपूर्वी रवींद्र धंगेकर यांनी गळ्यात भगवा गमछा घातलेला फोटो आपल्या व्हॉट्सअप स्टेटसवर ठेवला होता. यानंतर त्यांच्या शिंदे गटातील प्रवेशावर शिक्कामोर्तब झाल्याचे समजले जात होते. मात्र माजी आमदार रवींद्र धंगेकर यांनी काँग्रेस सोडून कुठेही जाणार नसल्याचे स्पष्ट केले होते. मी काँग्रेस सोडून कुठेही जाणार नाही, मी आता काँग्रेस पक्ष संघटनेत सक्रीय होणार आहे असेही रवींद्र धंगेकर म्हणाले होते. पण आता अखेर रवींद्र धंगेकर एकनाथ शिंदे गटात जाणार असल्याचे निश्चित झाल्याचे बोलले जात आहे.

   

पुण्यात एकनाथ शिंदे यांनी काँग्रेसला मोठा धक्का दिला आहे. काँग्रेसचे माजी आमदार राहिलेले रवींद्र धंगेकर एकनाथ शिंदे यांच्या शिवसेनेत प्रवेश करणार आहेत. आज संध्याकाळी ठाण्यात हा पक्ष प्रवेश होणार आहे. यावेळी स्वतः एकनाथ शिंदे देखील उपस्थित राहणार