एनटीपीसी सोलापूरमध्ये बालिका सशक्तिकरण अभियानाचा भव्य समारोप सोहळा

   

एनटीपीसी सोलापूरमध्ये बालिका सशक्तिकरण अभियानाचा भव्य समारोप सोहळा

   

सोलापूर, दि. ९ जून २०२५ — एनटीपीसी सोलापूरच्या वतीने राबविण्यात आलेल्या बालिका सशक्तिकरण अभियानाचा समारोप सोहळा हॉटेलर्सच्या सहकार्याने अत्यंत उत्साहात पार पडला. एक महिना चाललेल्या या निवासी कार्यशाळेत हॉटगी रेल्वे स्टेशन, आहेरवाडी, तिळेहळ्ली आणि हॉटगी गावांमधील एकूण ४० बालिकांनी सहभाग घेतला.

   

   

समारोप सोहळ्यास प्रमुख अतिथी म्हणून क्षेत्रीय कार्यकारी संचालक (प. क्षे.-१) श्री कमलेश सोनी, अध्यक्ष सखी महिला समिती श्रीमती अनु सोनी, कार्यकारी संचालक श्री बीजीबी शास्त्री, महासंधान श्री एम. के. बेबी (प्रशालन व अनुश्रवण), श्रीमती पद्मा शास्त्री, सौ. सिबी बेबी उपाध्यक्षा सृजन महिला मंडळ, तसेच एनटीपीसीचे वरिष्ठ अधिकारी व सहभागी मुलींचे पालक उपस्थित होते.

   

कार्यक्रमाची सुरुवात एनटीपीसी गीत आणि दीपप्रज्वलन करून करण्यात आली. यानंतर विविध सांस्कृतिक सादरीकरण, सेल्फ डिफेन्स डेमो, योगा अ‍ॅक्ट्स यांच्या माध्यमातून मुलींनी शारीरिक व मानसिक सशक्ततेचा परिचय दिला. उपस्थित सर्व पाहुण्यांनी या सादरीकरणाचे कौतुक केले.

कार्यक्रमात बोलताना श्री बीजीबी शास्त्री म्हणाले, “बालिका सशक्तिकरण केवळ सामाजिक जबाबदारी नसून ती आपल्या सर्वांची प्रेरणादायी बांधिलकी आहे. यामुळे देशातील प्रत्येक मुलगी आत्मनिर्भर, सुशिक्षित आणि आत्मविश्वासी बनू शकेल.”

श्रीमती अनु सोनी यांनी आपल्या भाषणात सांगितले की, “जेव्हा एक स्त्री सक्षम होते, तेव्हा तिचा संपूर्ण कुटुंब आणि समाजही सक्षम होतो.”

कार्यक्रमाच्या शेवटी सर्व सहभागी बालिकांना कार्यशाळा यशस्वीरित्या पूर्ण केल्याबद्दल प्रमाणपत्र, स्मृतिचिन्ह आणि सामूहिक छायाचित्र वितरित करण्यात आले.