*श्री स्वामी समर्थ अन्नछत्र मंडळ न्यास उत्तमरित्या चालवीत असल्याने विकासाची घोडदौड पाहायला मिळत आहे: राष्ट्रवादी काँग्रेस अध्यक्ष व खासदार सुनील तटकरे*
न्यासाचे प्रमुख कार्यकारी विश्वस्त अमोलराजे भोसले यांच्या हस्ते श्रींची मूर्ती, कृपावस्त्र व श्रीफळ देऊन मंडळाच्या वतीने सत्कार करण्यात आला,
*श्री स्वामी समर्थ अन्नछत्र मंडळ न्यास उत्तमरित्या चालवीत असल्याने विकासाची घोडदौड पाहायला मिळत आहे: राष्ट्रवादी काँग्रेस अध्यक्ष व खासदार सुनील तटकरे*
🔶अक्कलकोट :* (प्रतिनिधी)
*श्री स्वामी समर्थ अन्नछत्र मंडळाचे संस्थापक अध्यक्ष जन्मेजयराजे भोसले यांच्या मार्गदर्शनाखाली व प्रमुख कार्यकारी विश्वस्त अमोलराजे भोसले हे न्यास उत्तमरित्या चालवीत असल्याने विकासाची घोडदौड पाहायला मिळत असल्याचे मनोगत राष्ट्रवादी कॉंग्रेसचे (अजितदादा गट) महाराष्ट्र प्रदेश अध्यक्ष व खासदार सुनील तटकरे यांनी व्यक्त केले.*
ते श्रीक्षेत्र अक्कलकोट येथील श्री स्वामी समर्थ अन्नछत्र मंडळात सहकुटुंब आले असता न्यासाचे प्रमुख कार्यकारी विश्वस्त अमोलराजे भोसले यांच्या हस्ते श्रींची मूर्ती, कृपावस्त्र व श्रीफळ देऊन मंडळाच्या वतीने सत्कार करण्यात आला, यावेळी ते बोलत होते.
पुढे बोलताना महाराष्ट्र प्रदेश अध्यक्ष व खासदार सुनील तटकरे म्हणाले की, श्री स्वामी समर्थ अन्नछत्र मंडळाची कार्य भक्ताभिमुख असल्याने आलेल्या स्वामी भक्त हा न्यासाला भेट देऊन महाप्रसाद घेतोच, भक्तांसाठी केलेल्या आवश्यक सोयीसुविधा ह्या गरज ओळखून मांडणी करण्यात आलेले आहे. म्हणूनच संपूर्ण परिसर हा स्वच्छ व सुंदर असल्याचे ते म्हणाले. त्यांच्या समवेत राष्ट्रवादी कॉंग्रेसचे अक्कलकोट शहर अध्यक्ष शिवराज स्वामी हे उपस्थित होते.
यावेळी मंडळाचे सचिव शामराव मोरे, पुरोहित संजय कुलकर्णी, सिद्धाराम कल्याणी, एस.के.स्वामी, सौरभ मोरे, शहाजीबापू यादव, सतीश महिंद्रकर, बाळासाहेब घाडगे, शावरेप्पा माणकोजी, रुद्रय्या स्वामी, सिद्धराम कालीबत्ते, दत्ता माने, प्रसाद हुल्ले, महांतेश स्वामी, समर्थ घाडगे, धनंजय निंबाळकर यांच्यासह सेवेकरी, कर्मचारी, भक्तगण बहुसंख्येने उपस्थित होते.
