भाविकांच्या सोयी सुविधांना व भाविकांच्या सेवेला वटवृक्ष मंदिर समितीचे प्राधान्य – रीता मुंदडा
रीता मुंदडा यांचा सत्कार करताना महेश इंगळे व अन्य दिसत आहेत.
भाविकांच्या सोयी सुविधांना व भाविकांच्या सेवेला वटवृक्ष मंदिर समितीचे प्राधान्य – रीता मुंदडा
(अक्कलकोट, दिनांक – ३/१/२०२४) येथील श्री स्वामी समर्थांचे मूळस्थान असलेल्या श्री वटवृक्ष स्वामी महाराज देवस्थानचे कार्य हे सेवाभावी वृत्तीने व समर्पित कार्याने चालते, म्हणून भाविकांच्या सोई सुविधांना व भाविकांच्या सेवेला वटवृक्ष मंदिर समितीचे नेहमीच प्राधान्य असल्याचे मनोगत माहेश्वरी समाजाचे महाराष्ट्र प्रदेश कार्यकारणी अध्यक्ष व माजी सहकार मंत्री जयप्रकाश मुंदडा यांच्या सुविद्य पत्नी रीता मुंदडा यांनी व्यक्त केले. ते नुकतेच येथील श्री वटवृक्ष स्वामी महाराज मंदिरास भेट देऊन श्री स्वामी समर्थांचे दर्शन घेतले. याप्रसंगी मंदिर समितीच्या वतीने समितीचे चेअरमन महेश इंगळे यांनी रीता मुंदडा यांचा स्वामी समर्थांचे कृपावस्त्र, प्रसाद, प्रतिमा, देऊन यथोचित सन्मान केला. यावेळी रीता मुंदडा बोलत होत्या. पुढे बोलताना रीता मुंदडा यांनी स्वामी समर्थांच्या भक्तांची वाढती संख्या लक्षात घेऊन मंदिर समिती अहोरात्र भाविकांच्या सेवेस तत्पर आहे. समितीचे प्रमुख महेश इंगळे यांनी स्वामी सेवेस आपले जीवन समर्पण केले आहे. त्यांनी आपल्या वैयक्तिक जीवनाला अल्पविराम देऊन दैनंदिन रात्रंदिवस
श्री वटवृक्ष स्वामी समर्थांच्या दर्शनाकरिता येणाऱ्या भाविकांच्या सेवेत सदैव तत्पर आहेत. गर्दीचे स्वरूप पाहून श्री वटवृक्ष स्वामी महाराज देवस्थानच्या मर्यादित परिसरातही वारंवार विविध प्रकारचे नियोजन आखत असतात, त्यामुळे येणाऱ्या भाविकांचे नियोजनबद्ध स्वामी दर्शन हे सुलभतेने पार पडत आहे. अशी ही धन्य सेवा पाहून भाविकांच्या सेवेप्रती असलेल्या मंदिर समितीच्या कार्यासमोर आपण नतमस्तक असल्याचे मनोगतही रीता मुंदडा यांनी व्यक्त केले. याप्रसंगी प्रथमेश इंगळे, मंदिर समितीचे सचिव आत्माराम घाटगे, विश्वस्त महेश गोगी, अक्कलकोट कृषी उत्पन्न बाजार समितीचे सचिव मडिवाळप्पा बदोले, श्रीशैल गवंडी, बाळासाहेब एकबोटे, अंकुश केत, शिवशरण अचलेर, अमर पाटील, खाजप्पा झंपले, विपूल जाधव, संतोष जमगे आदींसह भाविक भक्त उपस्थित होते.
फोटो ओळ – रीता मुंदडा यांचा सत्कार करताना महेश इंगळे व अन्य दिसत आहेत.
