भाविकांच्या सेवेसाठी श्री.वटवृक्ष मंदीर समिती न्यासाची वाटचाल लक्षणीय – ॲड.राजाराम पाटील
ॲड.राजाराम पाटील व कुटुंबीयांचा वटवृक्ष मंदिरात सत्कार करताना महेश इंगळे व अन्य दिसत आहेत.
भाविकांच्या सेवेसाठी श्री.वटवृक्ष मंदीर समिती न्यासाची वाटचाल लक्षणीय – ॲड.राजाराम पाटील
( श्रीशैल गवंडी,अ.कोट, दि.२६/०३/२०२५)
येथील श्री स्वामी समर्थांच्या दर्शनाकरीता येणाऱ्या भाविकांसाठी वटवृक्ष स्वामी महाराज देवस्थान समितीच्या वतीने देवस्थानच्या मुरलीधर मंदिराच्या ठिकाणी सुसज्ज वातानुकूलित भक्तनिवासाचे बांधकाम तसेच स्वामी भक्तांच्या सुलभ स्वामी दर्शनाकरिता दर्शन रांगेचे बांधकाम हाती घेण्यात आले आहेत. या सर्व बाबी स्वामी भक्तांसाठी सेवाभाव या हेतूने मंदिर समिती नेहमीच प्रयत्नशील राहून विविध उपक्रम राबवत असते. त्या अनुषंगाने नियोजीत मुरलीधर मंदिर येथील दर्शन रांगेच्या माध्यमातून सर्व स्वामीभक्तांना लवकरच स्वामी समर्थांचे सुलभ रीत्या दर्शन घेता येईल. यासह देवस्थानचे आध्यात्मिक धार्मिक सामाजिक कार्यातील योगदान लक्षात घेता नागरिकांच्या व भाविकांच्या सेवेसाठी श्री वटवृक्ष मंदिर समिती न्यासाची वाटचाल लक्षणीय असल्याचे मनोगत
माजी उपमुख्यमंत्री कै.आर आर पाटील यांचे बंधू तथा सेवानिवृत्त पोलीस उपअधिक्षक व दोन वेळा राष्ट्रपती पदक विजेते ॲड.राजाराम पाटील यांनी व्यक्त केले. ते
आज येथील श्री.वटवृक्ष स्वामी महाराज मंदीरास सहकुटूंब भेट देवून श्री.स्वामी समर्थांची आरती करून दर्शन घेतले. यावेळी त्यांच्या पत्नी कुंजलता राजाराम पाटील व वहिनी सुवर्णा सुरेश पाटील व कन्या कु.ज्योती राजाराम पाटील या आरती सोहळ्यात सहभागी झाल्या होत्या. या प्रसंगी मंदिर समितीच्या वतीने समितीचे चेअरमन महेश इंगळे यांनी ॲड.
राजाराम पाटील व कुटुंबीयांचा श्री स्वामी समर्थांचे कृपावस्त्र, प्रसाद, प्रतिमा देऊन यथोचित सन्मान केला. यावेळी ॲड. राजाराम पाटील बोलत होते. याप्रसंगी मंदिर समितीचे सचिव आत्माराम घाटगे, विश्वस्त महेश गोगी, माजी नगरसेवक रामचंद्र समाणे, श्रीशैल गवंडी, विपुल जाधव, अमर पाटील इत्यादी व स्वामी भक्त उपस्थित होते.
फोटो ओळ – ॲड.राजाराम पाटील व कुटुंबीयांचा वटवृक्ष मंदिरात सत्कार करताना महेश इंगळे व अन्य दिसत आहेत.
