वीरशैव सेवा मंडळातर्फे गुणवंतांचा सन्मान

वीरशैव सेवा मंडळातर्फे गुणवंतांचा सन्मान
———————————————————
*आपण समाजाचे देणे लागतो ही जाणीव महत्वाची*
— गौरीप्रसाद हिरेमठ
सोलापूर दि. 22.जीवनात यशस्वी व्हायचे असेल तर आई वडिलांच्या व थोरामोठ्यांच्याप्रति आदराची भावना ठेऊन माझ्या यशाचे खरे शिल्पकार आई वडील आणि शिक्षक आहेत. मी समाजाचे देणे लागतो हा भाव जोपासून यशस्वी व्हा. हीच देश सेवा ठरेल आणि अशा तरुणांची देशाला गरज असल्याचे प्रतिपादन निवृत्त पोलिस अधिकारी गौरीप्रसाद हिरेमठ यांनी वीरशैव सेवा मंडळ पूर्व विभाग आयोजित यल्ललिंग मठात गुणवंत विध्यार्थ्यांच्या सत्कार समारंभात केले.
दरवर्षी 10वी, 12 वी, पदवी, पदव्युत्तर विद्यार्थ्यांना रोख रक्कम व प्रशस्तीपत्र देऊन वीरशैव सेवा मंडळ पूर्व विभागाच्या वतीने सन्मानित करण्यात येते.
कार्यक्रमाच्या प्रारंभी अरविंद लोणी यांनी बसव वचन सादर करून प्रास्ताविक केले. सर्व मान्यवरांचे स्वागत व सत्कार संस्थेचे अध्यक्ष प्रा. डॉ. भीमाशंकर बिराजदार यांच्या हस्ते करण्यात आले.
या प्रसंगी मुख्याध्यापक विजयकुमार हुल्ले यांनी विद्यार्थ्यांनी यश व अपयश पचवून जीवनात स्वतःचे कर्तृत्व सिद्ध करावे असे आवाहन केले.
याप्रसंगी योग शिक्षक यशवंत जाधव गुरुजींनी जीवनात योगाचे महत्व सांगितले. व प्रात्यक्षिक करून दाखविले.यावेळी कै. शंकरराव हंजगे, कै. कलावती पावरगी, कै. सिद्धराज लोणी यांच्या स्मरणार्थ विशेष पारितोषिके गुणवंत विद्यार्थ्यांना देण्यात आली.
अध्यक्षीय समारोप करताना प्रा. डॉ. भीमाशंकर बिराजदार म्हणाले की, पालकांनी आपल्या मुलांवर लक्ष ठेऊन त्यांच्या गरजा पूर्ण कराव्यात. फालतू लाडापासून दूर ठेवावे. त्यांच्या कर्तव्याची जाणीव करून द्यावी. पूर्ण होतील अशा गोष्टींची अपेक्षा ठेवावी. राष्ट्र उभारणी कार्यात सहभाग नोंदविण्याची प्रेरणा द्यावी. अशी अपेक्षा व्यक्त केली.
कार्यक्रमाचे सुरेख नियोजन श्रीशैल शिल्ले, प्रकाश लोणी यांनी केले होते.प्रमुख अतिथिंचा परिचय गौरीशंकर आळंगे यांनी करून दिला.
कार्यक्रमास शंकरलिंग पावरगी, श्रीशैल शिल्ले, प्रकाश लोणी, गौरीशंकर आळंगे,संगमेश्वर पायमल्ले, दयानंद माशाळ, प्रा. शिवकर्णी पाटील, मनोहर तेलसंग, शिवराज चडचणकर, विश्वनाथ मेरकर व कर्णिक नगर, यल्ललिंग नगर, वज्रेश्वरी नगर, पद्म नगर भागातील पालक मोठया संख्येने उपस्थित होते.कार्यक्रमाचे सूत्रसंचालन व आभारप्रदर्शन प्रा. शिवकर्णी पाटील यांनी केले.