श्री संत तुकाराम महाराज जनसेवा प्रतिष्ठानच्या वतीने महेश इंगळे यांचा पगडी व संत तुकाराम गाथा देवून सन्मान.

श्री संत तुकाराम महाराज जनसेवा प्रतिष्ठानच्या वतीने महेश इंगळे यांचा पगडी व संत तुकाराम गाथा देवून सन्मान.

पुण्यातील जगद्गुरु श्री संत तुकाराम महाराज जनसेवा प्रतिष्ठानच्या वतीने ‘वारी आपल्या दारी’ उपक्रमांतर्गत वटवृक्ष मंदीरात झाला सन्मान.

(श्रीशैल गवंडी, दि.३/५/२०२५.अ.कोट)
पुण्यातील संत तुकाराम महाराज जनसेवा प्रतिष्ठानच्या वतीने येथील श्री वटवृक्ष स्वामी महाराज मंदिरात मंदिर समितीचे चेअरमन महेश इंगळे यांना जगदगुरू संत तुकाराम महाराजांची पवित्र पगडी, उपरणे परिधान करून तसेच सार्थ तुकाराम गाथा व अभंग पंचविशी भेट देऊन सत्कार करण्यात आला. हा सत्कार सोहळा येथील श्री वटवृक्ष स्वामी महाराज मंदिरात श्री संत तुकाराम महाराज जनसेवा प्रतिष्ठानचे अध्यक्ष ह.भ.प. अशोकराव काळे महाराज यांच्या शुभहस्ते संपन्न झाला. यावेळी बोलताना ह.भ.प. अशोकराव काळे महाराज यांनी आषाढी एकादशीच्या पार्श्वभूमीवर आपल्या पुण्यातील श्री संत तुकाराम महाराज जनसेवा प्रतिष्ठानच्या वतीने दरवर्षी विविध उपक्रम राबविण्यात येत असतात. हिंदू धर्मातील धार्मिक क्षेत्रात काम करणाऱ्या अनेक मान्यवरांना दरवर्षी संत तुकाराम महाराजांच्या वस्त्रांची भेट देण्यात येत असते. येथील श्री वटवृक्ष स्वामी महाराज देवस्थानचे चेअरमन महेश इंगळे यांचेही श्री वटवृक्ष स्वामी महाराज देवस्थानच्या माध्यमातून धार्मिक कार्य व स्वामी सेवा ही महान धर्मकार्य परंपरेत गणली जाणारी सेवा आहे. यानिमीत्ताने आज येथे महेश इंगळे यांचा विशेष सन्मान करण्यात आला असल्याचे सांगीतले.
‘वारी आपल्या दारी’ उपक्रम हे धार्मिक, सामाजिक, सांस्कृतिक आणि शैक्षणिक उपक्रमांचे एक मिश्रण आहे, ज्याचा उद्देश लोकांना विविध क्षेत्रांमध्ये मदत करणे आणि ज्ञान देणेही आहे असेही मनोगत ह.भ.प.अशोकराव काळे महाराज यांनी व्यक्त केले. यावेळी श्री संत तुकाराम महाराज जनसेवा प्रतिष्ठानचे सदस्य श्रीधर कांबळे, नितिन ननावरे, वटवृक्ष मंदिर समितीचे सचिव आत्माराम घाटगे, प्रथमेश इंगळे, विश्वस्त महेश गोगी, श्रीशैल गवंडी, श्रीकांत मलवे, व्यंकटेश पुजारी, श्रीपाद सरदेशमुख, विपूल जाधव, सचिन हन्नूरे, अविनाश क्षीरसागर, सागर गोंडाळ इत्यादी उपस्थित होते.

फोटो ओळ – महेश इंगळे यांचा संत तुकाराम महाराजांची पगडी व उपरणे परिधानार्थ सन्मान करताना ह.भ.प. अशोकराव काळे महाराज, प्रथमेश इंगळे
व अन्य दिसत आहेत.