जे जे चांगले आहे त्याचे प्रदर्शन, प्रसिद्धी करा -आमदार देशमुख

जे जे चांगले आहे त्याचे प्रदर्शन, प्रसिद्धी करा -आमदार देशमुख

सोलापुर : जे जे चांगले आहे त्याचे प्रदर्शन प्रसिद्धी करा पर्यटन आपोआप वाढेल असे मत माजी सहकार मंत्री आमदार सुभाष देशमुख यांनी वळसंग तालुका दक्षिण सोलापूर येथे व्यक्त केले. जागतिक पर्यटन दिनानिमित्त वळसंग वाडा येथे वळसंपदा पुस्तकाचे प्रकाशन करण्यात येत आले. यावेळी आमदार देशमुख यांच्यासह माजी जिल्हा परिषद सदस्य अँड संजय गायकवाड, माजी उपसरपंच मल्लिकार्जुन बाबानगरे, लेखक सुनिल बाबानगरे व अनुपमा बाबानगरे उपस्थित होते. वनसंपदा पुस्तकात वळसंग येथील चौडेश्वरी मंदिर, चन्नया मठ, ऐतिहासिक डॉ. बाबासाहेब आंबेडकर विहीर, दिंडूर चे नागनाथ मंदिर, तीर्थ चे राम मंदिर, बऱ्हाणपूरचे सिद्धयापा मंदिर, आचेगावचे शावरसिद्ध मंदिर यांची ऐतिहासिक माहिती देण्यात आली आहे. त्याचबरोबर जागतिक पर्यटन सप्ताह निमित्त स्वादिष्ट भोजन, लॉजिंग, वॉटर पार्क यावर विशेष सवलत देण्यात येणार असल्याचे वळसंग वाड्याचे प्रमुख सुनील बाबानगरे यांनी सांगितले.