गळोरगी येथील शिबिरात १५३ जणांची तपासणी

गळोरगी येथील शिबिरात १५३ जणांची तपासणी

ता. अक्कलकोट मौजे गळोरगी येथे जगदगुरु श्री रेवणसिध्देश्वर यात्रा महोत्सव सन २०२४ च्या निमित्ताने श्री रेवणसिध्देश्वर युवा मंच गळोरगी ,ग्रामस्थ आणि श्री स्वामी समर्थ मल्टी स्पेशालिटी हॅास्पिटल अक्कलकोट यांच्या संयुक्त विद्यमाने आयोजित आरोग्य शिबिरात एकुण १५३ ग्रामस्थांची मोफत तपासणी करण्यात आली. सर्व जणांना तात्काळ विनामुल्य औषधे वाटप करण्यात आले.आरोग्य शिबिराचे उदघाटन सरपंच सौ शिवलिंगम्मा रेवणसिध्द कौटगी यांच्या हस्ते करण्यात आले.कार्यक्रमाचे सुत्रसंचालन व उपस्थित मान्यवरांचे स्वागत युवा मंच अध्यक्ष श्री सिध्देश्वर बिराजदार यांनी केले.या आरोग्य शिबिरात विशेषतः लहान मुला मुलींची तपासणी ,रक्तातील हिमोग्लोबिन तपासणी, रक्तदाब. मधुमेह .हदय (ई सी जी) आणि हाडांची तपासणी करण्यात आली.शिबिरामध्ये डॅा वेळापुरकर सर (एम डी),डॅा निजामोद्दीन सर(अॅार्था),डॅा कोटी मॅडम (बालरोग तज्ञ) यांनी ग्रामस्थांची तपासणी केली.ऐन दुष्काळी परीस्थितीत यात्रा महोत्सवाचे औचित्य साधुन मोफत आरोग्य शिबिराचे आयोजन केल्यामुळे सर्व गळोरगी ग्रामस्थांनी संयोजकांचे आणि श्री स्वामी समर्थ मल्टीस्पेशालिटी हॅास्पिटल अक्कलकोट यांचे कौतुक केले.अक्कलकोट तालुका ग्रामीण भागातील रुगणांसाठी अत्यंत कमीदरात उपचार करण्यासाठी श्री रेवणसिध्देश्वर युवा मंच अध्यक्ष श्री सिध्देश्वर बिराजदार यांनी हॅास्पिटल प्रशासनास विनंती केली.उपस्थित मान्यवरांचा श्री रेवणसिध्देश्वर युवा मंच व गळोरगी ग्रामस्थ तर्फ सत्कार करण्यात आला.आरोग्य शिबिरासाठी औषधांची उपलब्धता गळोरगीचे सुपुत्र श्री संतोष बिराजदार ( ए बी फॅार्मास्युटीकल्स कंपनी पुणे) यांच्या वतीने करण्यात आले.कार्यक्रमाचे आभार माजी ग्रामपंचायत सदस्य श्री सिकंदर जमादार यांनी मानले.आरोग्य शिबिर यशस्वी करण्यासाठी हॅास्पिटल जनसंपर्क अधिकारी श्रीशैल पावले, हॅास्पिटल स्टाफ मेंबर श्री रामेश्वर लोंढे, श्री काशिनाथ बणजगोळ,माजी सरपंच श्री मच्छींद्र बनसोडे,श्री शरण पाटील, श्री ईरेश आजुरे,श्री महेश बिराजदार,श्री गुरलिंग प्रचंडे,श्री धोंडप्पा सुतार,श्री कल्याणी आळगी (सर),श्री संतोष अंदोडगी,श्री सिध्दाराम बिराजदार,श्री सिध्दाराम प्रचंडे,श्री मल्लिनाथ हरवाळकर,श्री नागेश पाटोळे आणि समस्त गळोरगी ग्रामस्थांचे सहकार्य लाभले.