भाविकांच्या सेवेत श्री.वटवृक्ष मंदीर समिती न्यासाची वाटचाल लक्षणीय – वस्त्रोद्योग मंत्री संजय सावकारे
वस्त्रोद्योग मंत्री संजय सावकारे व कुटूंबियांचा वटवृक्ष मंदिरात सत्कार करताना प्रथमेश इंगळे व अन्य दिसत आहेत.
भाविकांच्या सेवेत श्री.वटवृक्ष मंदीर समिती न्यासाची वाटचाल लक्षणीय – वस्त्रोद्योग मंत्री संजय सावकारे
( श्रीशैल गवंडी,अ.कोट, दि.१६/०५/२०२५)
येथील श्री स्वामी समर्थांच्या दर्शनाकरीता येणाऱ्या भाविकांसाठी वटवृक्ष स्वामी महाराज देवस्थान समितीच्या वतीने देवस्थानच्या मुरलीधर मंदिराच्या ठिकाणी सुसज्ज वातानुकूलित भक्तनिवासाचे बांधकाम तसेच स्वामी भक्तांच्या सुलभ स्वामी दर्शनाकरिता दर्शन रांगेचे बांधकाम हाती घेण्यात आले आहेत. या सर्व बाबी स्वामी भक्तांसाठी सेवाभाव या हेतूने मंदिर समिती नेहमीच प्रयत्नशील राहून विविध उपक्रम राबवत असते. त्या अनुषंगाने नियोजीत मुरलीधर मंदिर येथील दर्शन रांगेच्या माध्यमातून सर्व स्वामीभक्तांना लवकरच स्वामी समर्थांचे सुलभ रीत्या दर्शन घेता येईल. यासह देवस्थानचे आध्यात्मिक धार्मिक सामाजिक कार्यातील योगदान लक्षात घेता नागरिकांच्या व भाविकांच्या सेवेसाठी श्री वटवृक्ष मंदिर समिती न्यासाची वाटचाल लक्षणीय असल्याचे मनोगत राज्याचे वस्त्रोद्योग मंत्री संजय सावकारे
यांनी व्यक्त केले. ते आज येथील श्री.वटवृक्ष स्वामी महाराज मंदीरास सहकुटूंब भेट देवून श्री.स्वामी समर्थांची आरती करून दर्शन घेतले. या प्रसंगी मंदिर समितीच्या वतीने समितीचे चेअरमन महेश इंगळे यांच्या मार्गदर्शनाखाली प्रथमेश इंगळे यांनी
वस्त्रोद्योग मंत्री संजय सावकारे व कुटूंबियांचा श्री स्वामी समर्थांचे कृपावस्त्र, प्रसाद, प्रतिमा देऊन यथोचित सन्मान केला. यावेळी वस्त्रोद्योग मंत्री संजय सावकारे
बोलत होते. याप्रसंगी मंदिर समितीचे सचिव आत्माराम घाटगे, विश्वस्त महेश गोगी, बाळासाहेब एकबोटे, राजेश जगताप,
स्वामीराव गायकवाड, नंदकुमार जगदाळे, श्रीशैल गवंडी, विपुल जाधव, अमर पाटील,
दर्शन घाटगे, श्रीकांत मलवे, विपूल जाधव, धनराज स्वामी, तुषार मोरे आदींसह सावकारे कुटूंबीय व स्वामी भक्त उपस्थित होते.
फोटो ओळ – वस्त्रोद्योग मंत्री संजय सावकारे व कुटूंबियांचा वटवृक्ष मंदिरात सत्कार करताना प्रथमेश इंगळे व अन्य दिसत आहेत.
