आय.एम.एस.ही एक मोठी दृष्टी असलेलं शिक्षण संकूल – डॉ.अमोल जोशी

आय.एम.एस.ही एक मोठी दृष्टी असलेलं
शिक्षण संकूल – डॉ.अमोल जोशी

   

प्रथमेश इंगळेंच्या यशाबद्दल सन्मान करताना व्यक्त केले मनोगत.

   

(प्रतिनिधी अक्कलकोट, दि.१२/६/२३) –
(श्रीशैल गवंडी)
आय.एम.एस.मधील माध्यमिक व उच्च माध्यमिक शिक्षण पाठ्यपुस्तकाच्या पानावरील अक्षरांच्या पलीकडे जाते.
म्हणून आमचे विद्यार्थी एकविसाव्या शतकातील आव्हानांना सामोरे जाण्यासाठी सज्ज असलेल्या आत्मविश्वासाने तरुण व्यक्ती म्हणून उदयास येतात. आम्ही आमच्या विद्यार्थ्यांना प्रश्न विचारण्यासाठी आणि शिकण्यासाठी प्रेरित करतो. आम्ही त्यांना कौशल्ये, धैर्य, आशावाद आणि त्यांच्या स्वतःच्या स्वप्नांचा पाठपुरावा करण्यासाठी प्रामाणिकपणा देतो. असे केल्याने, आमचे विद्यार्थी तरुण आणि सृजनशील व्यक्ती बनतात. जे जीवनात मनोरंजक आणि आव्हानात्मक करिअर घडवून आमच्या आय.एम.एस.शिक्षण संकुलाचे नावलौकिक वाढवतात. याचा आम्हाला सार्थ अभिमान आहे असे प्रतिपादन इंडियन मॉडेल स्कूलचे संस्थापक सचिव डॉ.अमोल जोशी यांनी केले.
आज येथील श्री वटवृक्ष स्वामी महाराज देवस्थानचे चेअरमन महेश इंगळे यांचे चिरंजीव प्रथमेश इंगळे यांनीही मार्च २०२३ मध्ये विज्ञान शाखेतून उच्च माध्यमिक शिक्षणात भरघोस यश संपादन करून अक्कलकोट आय.एम.एस.महाविद्यालयात द्वितीय क्रमांक पटकवल्याबद्दल डॉ.अमोल जोशी यांनी प्रथमेश इंगळे व गुणवंत विद्यार्थ्यांचा पुष्पगुच्छ देऊन सन्मान केला. याप्रसंगी डॉ.अमोल जोशी बोलत होते.
पुढे बोलताना डॉ.अमोल जोशी यांनी माध्यमिक व उच्च माध्यमिक शिक्षणात प्रथमेशने इंगळे कुटुंबाचेही नावलौकिक वाढवले आहेच. या पुढील व्यावसायिक शिक्षणात ही प्रथमेशने यापेक्षा मोठे यश संपादन करून त्यांच्या वडिलांप्रमाणे प्रथमेशनेही सर्व समावेशक-सुसंस्कृत, आदर्श व प्रतिष्ठित नागरिक म्हणून उदयास यावे असेही आवाहन प्रथमेश इंगळे यांना डॉ.अमोल जोशी यांनी केले. याप्रसंगी मंदिर समितीचे चेअरमन व नगरसेवक महेश इंगळे, डॉ.अमोल जोशी, मुख्याध्यापिका गौरी दातार, महाविद्यालयाचे प्राचार्य गणपती वाघमोडे, सर्व शिक्षक वृंद व शिक्षकेतर कर्मचारी, विद्यार्थी-विद्यार्थिनी उपस्थित होते.

   

फोटो ओळ – प्रथमेश इंगळेंचा पुष्पगुच्छ देऊन सन्मान करताना डॉ.अमोल जोशी, प्राचार्य गणपती वाघमोडे, मुख्याध्यापिका गौरी दातार व अन्य दिसत आहेत.