खग्रास चंद्रग्रहणानिमीत्त श्री वटवृक्ष स्वामींच्या दिनक्रमात बदल.

खग्रास चंद्रग्रहणानिमीत्त श्री वटवृक्ष स्वामींच्या दिनक्रमात बदल.

• ग्रहण पर्वात स्वामी दर्शन सुरु राहील.

(श्रीशैल गवंडी, अ.कोट. दि.३/०९/२०२५)
भाद्रपद शुक्ल पक्ष १५. पौर्णिमा
दिनांक ७ सप्टेंबर २०२५ रोजी खग्रास चंद्रग्रहण आल्यामुळे पुरोहित मंदार महाराज पुजारी यांनी दिलेल्या माहितीनुसार या दिवशी येथील श्री वटवृक्ष स्वामी महाराज देवस्थानच्या नित्यक्रमात व स्वामींच्या दिनक्रमात बदल करण्यात आल्याची माहिती मंदिर समितीचे चेअरमन व नगरसेवक महेश इंगळे यांनी दिली. दिनांक ७ सप्टेंबर रोजी
ग्रहणाचे वेध दुपारी १२:३७ पासुन ग्रहण मोक्षापर्यत वेध पाळावेत अबालवृद्ध, आजारी, गर्भवतींनी सायंकाळी ५:१५ पासुन वेध पाळावेत. ग्रहण स्पर्श रात्री ९:५७ वाजता, मध्य ११:४२ वाजता व ग्रहण मोक्ष रात्री १:२७ वाजता होणार आहे. ग्रहणाचे काळ एकुण ३:३० (साडेतीन तास) असल्यामुळे दिनांक ७ सप्टेंबर रोजी मंदिरातील सायंकाळची शेजारती होणार नाही. दि. ७ सप्टेंबर रोजी ग्रहण स्पर्श सुरूवात होण्यापुर्वी रात्री ९:३० ते दि. ८ सप्टेंबर रोजी पहाटे ५ पर्यत दर्शन बंद राहील व पहाटे ५ पासून दर्शन सुविधा पुर्ववत राहील. दिनांक ८ सप्टेंबर रोजी पहाटेची काकडा आरती व भाविकांचे नित्यनियमाने होणारे अभिषेक होणार नाहीत. ग्रहण वेद काळात दिवसभर दर्शनास मंदिर चालू राहील यांची सर्व स्वामी भक्तांनी नोंद घ्यावी अशी माहिती मंदीर समितीचे चेअरमन महेश इंगळे यांनी दिली.