अक्कलकोट तालुका वंचित आघाडीच्या संघटकपदी श्याम बनसोडे यांची निवड

अक्कलकोट तालुका वंचित आघाडीच्या संघटकपदी श्याम बनसोडे यांची निवड

वंचित आघाडीतून श्याम बनसोडे यांची निवड – वागदरी गावाचा अभिमान!

अक्कलकोट तालुका प्रतिनिधी :
अक्कलकोट तालुक्यातील वागदरी गावातील सर्वसामान्य कार्यकर्ता म्हणून ओळख असलेले श्याम बनसोडे हे आपल्या समाजकार्य, प्रामाणिकपणा आणि तळागाळातील लोकांशी असलेल्या नात्यामुळे सर्व स्तरात आदराचे स्थान मिळविणारे कार्यकर्ते आहेत. सामाजिक न्याय, समता आणि वंचित घटकांच्या हक्कांसाठी त्यांनी सातत्याने लढा दिला आहे.

शासनाच्या विविध योजनांचा लाभ विशेषतः दलित, वंचित आणि आर्थिकदृष्ट्या मागास घटकांपर्यंत पोहोचावा यासाठी श्याम बनसोडे यांनी मनापासून प्रयत्न केले आहेत. त्यांच्या या सातत्यपूर्ण कार्याची आणि तळमळीची दखल घेऊन अक्कलकोट तालुका वंचित आघाडीच्या संघटकपदी त्यांची निवड करण्यात आली आहे.

या निवडीमुळे वागदरी गावासह संपूर्ण अक्कलकोट तालुक्यात उत्साहाचे वातावरण निर्माण झाले आहे. श्याम बनसोडे यांना सामाजिक क्षेत्रात आणखी प्रभावीपणे काम करण्याची संधी मिळणार असून त्यांच्या नेतृत्वाखाली वंचित घटकांचा आवाज अधिक ताकदीने मांडला जाईल, असा विश्वास कार्यकर्त्यांनी व्यक्त केला आहे.

स्थानिक कार्यकर्त्यांनी आणि ग्रामस्थांनी त्यांचे अभिनंदन करत पुढील वाटचालीस शुभेच्छा दिल्या आहेत. वागदरीसारख्या ग्रामीण भागातून सामाजिक चळवळीत पुढे येणाऱ्या अशा कार्यकर्त्यांमुळे समाजात परिवर्तनाची नवी दिशा मिळते, असे मत स्थानिक नागरिकांनी व्यक्त केले.

अभिनंदन व शुभेच्छा श्याम बनसोडे यांना — समाजहितासाठी त्यांचे कार्य असंच सुरू राहो हीच अपेक्षा!