संत नामदेव महाराज जयंतीनिमित्त पंढरपूर ते घुमाण रथ व सायकल यात्रेचे पुणे शहरात उत्स्फूर्त स्वागत

संत नामदेव महाराज जयंतीनिमित्त पंढरपूर ते घुमाण रथ व सायकल यात्रेचे पुणे शहरात उत्स्फूर्त स्वागत

सुभाष मुळे

पुणे:- कार्तिक शुद्ध एकादशी मंगळवार दि १२ नोव्हेंबर २०२४ रोजी संत शिरोमणी नामदेव महाराज जयंती देशात सर्वत्र धूमधडाक्यात साजरी झाली. या शुभ मुहूर्ताचे औचित्य साधून पालखी सोहळा पत्रकार संघाचे अध्यक्ष सूर्यकांत भिसे, भागवत धर्म प्रसारक मंडळाचे खजिनदार मनोज मांढरे, नामदेव समाजोन्नती परिषदेचे अध्यक्ष संजय नेवासकर, सरचिटणीस डाॅ. अजय फुटाणे, मुख्य विश्वस्त राजेंद्र पोरे, विश्वस्त वसंतराव खुर्द व समस्त नामदेव शिंपी समाज याचे संयुक्त विद्यमाने संत नामदेव महाराज यांच्या ७५४ व्या जयंतीनिमित्त आयोजित केलेली श्री क्षेत्र पंढरपूर ( महाराष्ट्र ) ते श्री क्षेत्र घुमाण ( पंजाब ) या संत नामदेव महाराज रथ व सायकल वारी मंगळवार दि. १२ नोव्हेंबर रोजी सकाळी ६ वाजता श्री क्षेत्र पंढरपूरहून हा सोहळा प्रस्थान झाले व सोलापूर, सातारा जिल्ह्याचा प्रवास करीत बुधवार दि . १३ रोजी पुणे जिल्ह्यात निरा, जेजुरी, सासवड, हडपसर मार्गे सायंकाळी पुणे शहरात आगमन झाले. यावेळी समस्त लष्कर शिंपी समाज व नामदेव समाजोन्नती परिषदेच्या वतीने उत्स्फूर्त स्वागत करण्यात आले.

      यावेळी नामदेव समाजोन्नती परिषदेचे अध्यक्ष संजय नेवासकर, सरचिटणीस डाॅ. अजय फुटाणे, मनोज मांढरे, महेश मांढरे, पुणे विभागीय उपाध्यक्ष रणजित माळवदे, जिल्हाध्यक्ष विजय कालेकर, ना स.प. पुणे शहर शाखेचे अध्यक्ष संदीप लचके, सचिव सुभाष मुळे, समन्वयक प्रशांत सातपुते, उपाध्यक्ष सुभाष पांढरकामे, उपाध्यक्ष सोमनाथ मेटे, उपाध्यक्ष कुंदन गोरटे, उपाध्यक्ष अक्षय मांढरे यांचे सह रमेश हिरवे, संजय वैद्य, प्रशांत भोंडवे, प्रकाश शिंदेकर, ज्ञानेश्वर पाटेकर, दिंगबर क्षीरसागर, राहुल सुपेकर, स्वप्निल खुर्द, नितीन लचके, शिवाजी माळवदकर, प्रशांत झनकर, प्रशांत बोबडे, मदन लंगडे, पंकज सुत्रावे, यांच्या सह नामदेव भक्त समाज बंधू भगिनी मोठ्या संख्येने उपस्थित होते
 पुणे लष्कर महात्मा गाँधी मार्ग येथील श्री राम मंदिरात चरण पादुका रथ व सायकल वारी आल्या नंतर सीमा नेवासकर, गायत्री लचके, कविता खोले, शोभा मुळे, विजया कालेकर, वंदना मेटे, रूपा माळवदकर, वंदना मेटे , वर्षा माळवदे, स्वाती लचके, दिपा लचके याच्यासह ना.स प पुणे शहर महिलानी !विठ्ठल विठ्ठल विठ्ठला!या तालावर “पाऊली”या नृत्याचा आविष्कार सादर केला. सोहळा प्रमुख सूर्यकांत भिसे यांचे व भजनकरी बांधवांचे ना. स.प.पुणे शहर कार्याध्यक्ष व श्री नामदेव शिंपी समाज पुणे लष्कर समाजाचे अध्यक्ष प्रदिप खोले, संजय लचके, मुरारी हिरवे, अरुण भांबुरे, नितीन भाकरे,अशोक हिरवे, सुजय खोले, अजय कळसकर, राजू बाकरे व समाज बांधव यांचे हस्ते शाल,श्रीफळ, पुष्पहार देऊन स्वागत करण्यात आले.
   
या रथ सोहळा व सायकल वारीसह लष्कर महात्मा गांधी मार्ग येथील श्री राम मंदिर येथून ना.स.प पुणे शहर शाखेने मोटार सायकल रॅलीसह लक्ष्मी रोड मार्गे बुधवार पेठ येथील संत नामदेव मंदिरापर्यंत नामदेव महाराजाच्या जयघोषात मिरवणूक काढण्यात आली होती.

पालखी सोहळा व सायकल वारी ची मिरवणूक बुधवार पेठ येथील नामदेव मंदिर येथे आल्यानंतर अध्यक्ष कैलास देवळे, उपाध्यक्ष शैलेश मुळे, ज्ञानेश्वर लखांबे, विशाल भांबुरे, स॔जय जवंजाळ, गुणेश खोडके यांनी डोक्यावर संत नामदेवांच्या पादुका घेतल्या यावेळी जयश्री कालेकर, विजया कालेकर, माधवी भुतकर या महिलांनी ओवाळून व पुष्पवृष्टी करीत स्वागत केल्यानंतर सायकल स्वाराचा सत्कार करण्यात आला.
या सायकल फेरीवर एक बहारदार हिंदी गीत प्रस्तुत केले गेले. समस्त नामदेव शिंपी दैव मंडळ कसबा पेठ चे विश्वस्त रमेश मेहेर व ना.स.प. पुणे शहर शाखा यांच्या संकल्पनेतून पंढरपूर ते घुमाण सायकल स्वाराना प्रोत्साहन देण्यासाठी सायकल वारीत पंढरपूर पासून ते घुमाण पर्यंत

*मेरे बाबा नामदेव का बडा बोल बाला |*
*देखो, चले घुमान बाबा का मेला ||*

*नामदेव नामदेव बाबाजी नामदेव || धृ ||*

हे गीत ऐकवण्यात येत आहे.
या गीताची रचना करणारे श्री. सुधाकर मेहेर पुणे तर संगीतकार श्री. हरीश धोंगडे, वारजे यांना विशेष सन्मानित करण्यात आले. तर नासप पुणे शहर शाखेने सायकल स्वारींच्या निरोगी तब्बेत राहण्यासाठी मेडिकल कीट दिले. व संत नामदेव महाराज यांच्या पादुकांची पूजा करून महाआरती बुधवार पेठ संस्थेचे चिटणीस डाॅ. लक्ष्मण कालेकर व सर्व पदाधिकारी यांचे हस्ते करण्यात आल्यानंतर बुधवार पेठ शिंपी समाजाने उपस्थितांना महाप्रसादाचे आयोजन केले. यावेळी वारकरी संप्रदायातील भक्त,शिंपी समाज बंधू भगिनी मोठया संख्येने उपस्थित होते.

गुरुवार दिं १४ रोजी पहाटे सहसचिव विजय कालेकर, रणजित माळवदे, महेश मांढरे, संदीप लचके, सुभाष मुळे यांचे हस्ते महाआरती केल्यानंतर पालखी सोहळा व सायकल वारी सकाळी ६.०० वाजता डेक्कन, फर्ग्युसन रोड, संगमवाडी, विश्रांतवाडी, आळंदी, चाकण, नारायणगांव मार्गे आळेफाटा येथे मुक्कामी पोहचली अशी माहिती नामदेव समाजोन्नती परिषद, पुणे शहर शाखेचे सचिव सुभाष मुळे यांनी दिली.