राज्य परिवहन महामंडळ मंगळवेढा आगारातील यांत्रिक विभागातील शिकाऊ उमेदवारांचा प्रामाणिकपणा…

राज्य परिवहन महामंडळ मंगळवेढा आगारातील यांत्रिक विभागातील शिकाऊ उमेदवारांचा प्रामाणिक पणा…

राज्य परिवहन महामंडळ मंगळवेढा आगारातील यांत्रिक विभागातील शिकाऊ उमेदवार श्री मदने व श्री बुरांडे यांना आगारात आलेली बसमधे एका प्रवाशाचे मंगळसूत्र, रोख रक्कम व पैजण असा अंदाजे रू.६० ते ७० हजाराचा ऐवज सापडला. सदर सापडलेल्या साहित्यामध्ये असणाऱ्या आधार कार्ड वरील फोन नंबर वरून संबधित प्रवाशास संपर्क करून आगारात बोलाऊन घेऊन आगार व्यवस्थापक यांच्या दालनात सदरचा मुद्देमाल सदर प्रवाशास आगार व्यवस्थापक श्री संजय भोसले यांच्या हस्ते परत केला. सदरच्या प्रामाणिक पणाबद्दल सदर प्रवाशी यांनी शिकाऊ उमेदवार श्री गणेश शिवाजी मदने व श्री सोमनाथ सिध्देश्वर बुरांडे यांचे तसेच आगार व्यवस्थापक व आगारातील सर्वांचे आभार मानले.

या प्रामाणिक कृती बद्दल शिकाऊ उमेदवार यांचे आगारातील सहकाऱ्यांनी खूप अभिनंदन केले. याप्रसंगी आगार व्यवस्थापक श्री संजय भोसले, सुरक्षा रक्षक श्री मांडवे, सहायक कारागीर श्री ढगे, चालक श्री बेदरे, श्री तोंडसे हे उपस्थीत होते.