*सांगवी बू पुलाच्या दुभाजकाला भगदाड राष्ट्रीय महामार्ग विभागाचे जाणीवपूर्वक दुर्लक्ष*

*सांगवी बू पुलाच्या दुभाजकाला भगदाडरा ष्ट्रीय महामार्ग विभागाचे जाणीवपूर्वक दुर्लक्ष*

   

गेल्या 6 महिन्या खालीच अक्कलकोट वागदरी रस्त्याची खड्डे बुजवा.. पैसे उपसा योजेना राबविण्यात आली होती*

   

*मलम न लावता पट्टी केल्याने अक्कलकोट वागदरी रस्ता पुन्हा खड्डेमय*

   

✒️ *प्रविणकुमार बाबर /सांगवी बु*

   

अक्कलकोट दि :- 01 तालुक्यातील वागदरी रस्त्यावर डांबर उखडून खड्डे पडल्याने वाहनचालकांना यांचा नाहक त्रास होत असून, विशेष धक्कदायक बाबा म्हणजे सांगवी बु येथील पुलाच्या दुभाजकाला भला मोठा भगदाड पडला असून, हा पूल संपताच रस्त्याच्या दोन्ही बाजूला भले मोठे खड्डे पडलेले लांबून वाहन चालकाच्या निदर्शनास येत नाहीत पण गाडी जवळ जाताच हे खड्डे दिसतात अचानक पणे गाडी कंट्रोल करणे हे वाहन चालकांना धोक्याचे ठरत असून, दोन दिवसापूर्वी दुचाकीस्वार ला हा खडा न दिसल्याने गाडी खड्ड्यात गेली व हे दोघे पडले आणि गंभीर झाले व दोन दिवसाच्या उपचारा दरम्यान त्या जखमी महिलेचे काल निधन झाले. या मृत्यूला सर्वस्वी राष्ट्रीय महामार्ग विभाग जबाबदार असून, संबंधित ठेकेदार व अधिकाऱ्यावर गुन्हा करण्याची मागणी पंचक्रोशीतील नागरिकांतून होत आहे. अक्कलकोट वागदरी हा रस्ता सा बा विभागाच्या आखतरीत होता पण गेल्या 5 ते 6 वर्षांपासून हा रस्ता राष्ट्रीय महामार्ग विभागाच्याकडे हस्तातरीत करण्यात आला आहे. या विभागाच्या ठेकेदार व अधिकाऱ्यानी या गंभीर बाबीकडे डोळेझाक करीत असून, आणखीन किती बळी गेल्यावर हा रस्ता होणार आहे…? असा सवाल नागरिकांतुन विचारला जात आहे.
अक्कलकोट वागदरी राष्ट्रीय राज्य महामार्ग हा रस्ता कर्नाटक व मराठावाडा यांना जोडणारा अत्यंत महत्वाचा रस्ता समजला जातं असून या रस्त्यावर सर्वात जास्त रहदारी असते. या सांगवी बु पुलाजवळ पडलेल्या मोठ्या खड्ड्यात आत्तपर्यंत 30 ते 40 जण पडून गंभीर जखमी झाल्याची घटना घडली असून, त्यातच एका महिलेचे मृत्यू झाले आहे. अशा गंभीर घटना वेळोवेळी घडत असताना देखील राष्ट्रीय महामार्ग विभाग हे झोपेचे सोंग घेत आहे. जर येत्या आठवड्याभरात हा अक्कलकोट वागदरी राष्ट्रीय महामार्गची दुरुस्ती न केल्यास सांगवी बु सह पंचक्रोशीतील नागरिकांनी रास्ता रोको आंदोलन करण्याची चर्चा खेडपाड्यात रंगली आहे.
——————————————–