अक्कलकोट मध्ये हिंदु नववर्षा निमित्त भव्य शोभायात्रा संपन्न
अक्कलकोट:- (प्रतिनिधी) गुढीपाडव्याच्या औचित्य साधून हिंदु नववर्षानिमित्त हिंदु नववर्ष महोत्सव समिती अक्कलकोट च्या वतीने भव्य शोभायात्रा काढण्यात आली.
ग्रामदैवत श्री मल्लिकार्जुन मंदिरा पासून शोभायात्रेची सुरूवात करण्यात आली. विविध पथक, पारंपारिक वाद्य, पारंपारिक वेशभूषा परिधान करून अक्कलकोट शहरातील विविध मार्गावरून विविध समाजातील नागरिक बंधुभगिनीं मोठ्या संख्येने उपस्थित होते.
प्रसंगी भगवा ध्वज , बँड बाजा, बॅंजो,हलगी , वारक-यांचे दिंडी पथक, हिंदु धर्मातील विविध समाजाचे दैवत, महापुरुषांचे, संत, समाजसुधारक यांचे प्रतिमांचे डिजिटल बॅनर कटआऊट रिक्षांवर लावुन अबाल वृद्ध , महिला, पुरुष या शोभायात्रेत मोठ्या संख्येने सहभागी झाले होते.
माजी नगरसेवक मिलन कल्याणशेट्टी, अन्नछत्र मंडळाचे कार्यकारी विश्वस्त अमोलराजे भोसले, समर्थ नगर ग्रामपंचायतचे प्रदिप पाटील , शोभायात्रा प्रमुख आनंद खजुरगीकर , सहप्रमुख ऋषीकेश लोणारी, रा.स्व.संघाचे संघचालक रवींद्र जोशी, तालुका कार्यवाह चेतन जाधव, सहकार्यवाह संतोष वगाले, जेष्ठ स्वयंसेवक गुंडु अण्णा येळमेली, समाजसेवक तम्मामामा शेळके, महेश हिंडोळे, आनंद तानवडे, वृषभराज तानवडे, शिवशरण जोजन, संजय भागानगरे, राजु एकबोटे,प्राचार्य डॉ शिवराया अडवितोटे, प्रसाद हारकुड,महेश वागदरे, प्रितेश किलजे,प्रशांत शिंपी,सायबण्णा सोनकांबळे यांसह विविध समाजाचे अध्यक्ष, कार्यकर्ते सहभागी झाले.
शोभायात्रेचे समारोप श्री स्वामी समर्थ अन्नछत्र मंडळ येथे करण्यात आले. अन्नछत्र मंडळाचे संस्थापक अध्यक्ष जन्मेंजयराजे भोसले यांनी शोभायात्रेचे स्वागत केले व उपस्थित सर्वांना अल्पोपहाराची व्यवस्था अन्नछत्र मंडळाकडून करण्यात आले होते.
