थ्रो युवर इंटस् पुस्तकाचे वटवृक्ष मंदीरात महेश इंगळे यांच्या हस्ते प्रकाशन

थ्रो युवर इंटस् पुस्तकाचे वटवृक्ष मंदीरात महेश इंगळे यांच्या हस्ते प्रकाशन

(श्रीशैल गवंडी, दि.१/१०/२०२५.अ.कोट)
आज येथील श्री वटवृक्ष स्वामी महाराज मंदीरात ऋषिकेश चौगुले लिखीत
थ्रो युवर इंटस् या पुस्तकाचं प्रकाशन सोहळा मंदीर समितीचे चेअरमन महेश इंगळे यांच्या हस्ते मोठ्या भक्तीमय वातावरणात संपन्न झाला. यावेळी बोलताना पुस्तकाचे लेखक
ऋषिकेश चौगुले यांनी थ्रो युवर इंटस् या पुस्तकात आपण प्रत्येक क्षण आपल्या इंद्रियांच्या माध्यमातून जगतो, पण त्यांचा प्रभाव लक्षात येत नाही. ‘इंटस्’ या संकल्पनेतून हे पुस्तक दाखवते की डोळे, कान, नाक, जीभ आणि त्वचा आपली भावना, आठवणी आणि जगाशी असलेलं नातं कसं घडवतात याचे विश्लेषण लिखीत स्वरुपात या मांडले आहे. स्वामी भक्तांनी व अन्य नागरिकांनी यातील विश्लेषण आत्मसात करुन जीवन जगल्यास जीवनात नक्कीच सकारात्मक दृष्टीकोन निर्माण होवून शांती व समाधानाची निर्मिती होईल असे मनोगत व्यक्त केले. यावेळी मंदीर समितीचे विश्वस्त महेश गोगी, प्रा.शिवशरण अचलेर, लेखक ऋषीकेश चौगुले, प्रमोद चौगुले, स्वप्नील माने, संजय आहेर, गणेश घोरपडे, विपूल जाधव, व्यंकटेश पुजारी, श्रीकांत मलवे इत्यादी उपस्थित होते.

फोटो ओळ – थ्रो युवर इंटस् पुस्तकाचे वटवृक्ष मंदीरात प्रकाशन करताना महेश इंगळे, प्रा.शिवशरण अचलेर, ऋषीकेश चौगुले, प्रमोद चौगुले व अन्य दिसत आहेत.