अन्नछत्र मंडळाच्या यशामागे श्री स्वामी कृपा, टीम वर्क, शिस्तबद्धता ही त्रिसूत्री आहे. अन्नछत्र न्यास हे आम्हा खानदेशकरांचे भक्ती क्षेत्र असल्याचे मनोगत राज्याचे वस्त्रोद्योग मंत्री संजय सावकारे

*अक्कलकोट:- प्रतिनिधी*
*अक्कलकोट नरेश श्रीमंत विजयसिंहराजे भोसले यांचे चिंरंजीव जन्मेजयराजे विजयसिंहराजे भोसले संस्थापक अध्यक्ष श्री स्वामी समर्थ अन्नछत्र मंडळ (ट्रस्ट), अक्कलकोट यांच्या मार्गदर्शनाखाली आणि त्यांचे नातू अमोलराजे जन्मेजयराजे भोसले कार्यकारी अध्यक्ष, अन्नछत्र मंडळ (ट्रस्ट) यांच्या कुशल नेतृत्वाखाली अन्नछत्र मंडळाच्या यशामागे श्री स्वामी कृपा, टीम वर्क, शिस्तबद्धता ही त्रिसूत्री आहे. अन्नछत्र न्यास हे आम्हा खानदेशकरांचे भक्ती क्षेत्र असल्याचे मनोगत राज्याचे वस्त्रोद्योग मंत्री संजय सावकारे यांनी व्यक्त केले.*

ते श्री स्वामी समर्थ अन्नछत्र मंडळ येथे सहपरिवार आले असता न्यासाचे उपाध्यक्ष अभय खोबरे यांच्या प्रमुख उपस्थितीत सचिव शामराव मोरे यांच्या हस्ते श्रींची प्रतिमा, कृपावस्त्र, श्रीफळ देऊन त्यांचा सत्कार करण्यात आला. या प्रसंगी ते बोलत होते.

यावेळी न्यासाचे बाळासाहेब घाटगे, संभाजीराव पवार, श्रीनिवास गवंडी, दत्ता माने, तानाजी पाटील, राजू पवार, रमेश हेगडे, प्रसाद हुल्ले, शरद भोसले, अनिल बिराजदार, एस के स्वामी, महांतेश स्वामी, शिव स्वामी, श्रीकांत स्वामी, शावरेप्पा माणकोजी, मल्लिनाथ कोगनुरे, विशाल घाडगे, रोहित कदम, समर्थ चव्हाण, विठ्ठल रेड्डी यांच्यासह सेवेकरी, कर्मचारी, भक्तगण बहुसंख्येने उपस्थित होते.