वटवृक्ष मंदिरातील सत्कार जीवनातील मोठा गौरव – भाजपा प्रवक्ते केशव उपाध्ये

वटवृक्ष मंदिरातील सत्कार जीवनातील मोठा गौरव – भाजपा प्रवक्ते केशव उपाध्ये

(श्रीशैल गवंडी, अ.कोट, दि.१२/०६/२५) – सर्वसामान्य स्वामी भक्तांप्रमाणे मीही स्वामी भक्त आहे. याच स्वामी भक्तीच्या
माध्यमातून अक्कलकोटला आल्यानंतर समर्थांनी स्वामी दर्शनाची संधी वेळोवेळी
देत रहावी. या माध्यमातून स्वामी कृपेचे वरदहस्त माझ्या व माझ्या कुटुंबीयांवर कायम रहावी याकरिता आज येथील श्री वटवृक्ष स्वामी महाराज मंदिरास भेट देऊन स्वामी समर्थांचे दर्शन घेतले आहे. या प्रित्यर्थ माझ्या जीवनावर स्वामीकृपा झाली. स्वामी कृपेने माझ्या जीवनातील पत्रकार ते प्रवक्ता ही वाटचाल आणि दर्शनानंतर लाभलेलं
येथील श्री वटवृक्ष स्वामी महाराज मंदिरातील विश्वस्त समितीच्या वतीने झालेला सत्कार म्हणजे जीवनातील मोठा गौरव असल्याचे मनोगत भारतीय जनता पार्टीचे प्रवक्ते केशव उपाध्ये यांनी व्यक्त केले. ते नुकतेच येथील श्री वटवृक्ष स्वामी महाराज मंदिरास सहकुटुंब भेट देऊन श्री स्वामी समर्थांचे दर्शन घेतले. यावेळी मंदिर समितीच्या वतीने समितीचे चेअरमन महेश इंगळे, प्रथमेश इंगळे यांनी प्रवक्ते केशव उपाध्ये यांचा श्री स्वामी समर्थांचे कृपावस्त्र, प्रसाद, प्रतिमा देऊन यथोचित सन्मान केला. यावेळी बोलताना प्रवक्ते केशव उपाध्ये यांनी आपले मनोगत व्यक्त केले. यावेळी मंदिर समितीचे सचिव आत्माराम घाटगे, विश्वस्त महेश गोगी, श्रीशैल गवंडी, सुनिल कटारे, प्रा.शिवशरण अचलेर, गिरीश पवार, विपुल जाधव, रवी मलवे, श्रीकांत मलवे, प्रसाद सोनार, महेश मस्कले, दर्शन घाटगे इत्यादी
उपस्थित होते.

फोटो ओळ – केशव उपाध्ये व कुटूंबियांचा देवस्थान कार्यालयात सत्कार करताना महेश इंगळे व अन्य दिसत आहेत.