स्वामी २’ भक्तिगीत येणार भक्तांच्या भेटीला : आज सायंकाळी होणार भव्य शुभारंभ

‘स्वामी २’ भक्तिगीत येणार भक्तांच्या भेटीला : आज सायंकाळी होणार भव्य शुभारंभ

पुणे – ‘स्वामी’ या भक्तिगीताला प्रेक्षकांकडून लाभलेल्या भरघोस प्रतिसादानंतर ‘स्वामी २’ हा पुढील भाग लवकरच स्वामीभक्तांच्या भेटीला येणार आहे. प्रेक्षकांच्या अपार प्रेमामुळे ‘भेरवा फिल्म्स’ प्रस्तुत ‘स्वामी’च्या पुढील अध्यायाचा शुभारंभ आज सायंकाळी (३० जुलै) होणार आहे. किवळे येथील एमडीएस बँकेटस अ‍ॅण्ड लॉन्स येथे भव्य सोहळ्यात ‘स्वामी २’ या भक्तिगीताचे लोकार्पण होणार आहे.

या भक्तिगीतात प्रशांत गवळी यांचा प्रभावी अभिनय असून, संगीत व दिग्दर्शन ब्रह्मा यांचे आहे. ‘भेरवा फिल्म्स’ने या गीताची निर्मिती केली असून, हर्षवर्धन वावरे यांनी गीताला संगीतबद्ध केले आहे. गीताचे बोल नरहर राहेरकर व ब्रह्मा यांचे आहेत. तसेच दिलीप गांगुर्डे यांनी छायाचित्रण केले आहे.

या संदर्भात माहिती देताना प्रकाश मंगाणे यांनी सांगितले की, “‘स्वामी’ या गीतामुळे लोकांच्या मनात भक्ती, श्रद्धा आणि संस्कृती यांचे पुनः जागरण झाले आहे. ‘स्वामी २’ हा त्या प्रवासाचा पुढील अध्याय असून, तो आज आपल्या समोर सादर होणार आहे. आपल्यातील प्रत्येकाच्या जीवनातील सुखदुःखात, संघर्षात, स्वामी आपल्या पाठीशी आहेत, हेच या गीतातून दाखवण्यात आले आहे.”

‘स्वामी २’ हे भक्तिगीत प्रेक्षकांच्या हृदयात नव्याने श्रद्धा निर्माण करेल, असा विश्वास निर्मात्यांनी व्यक्त केला आहे.