संत चोखामेळा अध्यासन केंद्राच्या मध्यवर्ती विश्वस्त मंडळात संपादक धोंडप्पा नंदे यांची निवड
पुणे (प्रतिनिधी): संत चोखामेळा अध्यासन केंद्र या संत चोखामेळा महाराज व त्यांच्या परिवारातील सर्व सदस्य यांचे साहित्य , जीवन , कार्य इ संबंधित संशोधन व प्रचार प्रसार जागृतीचे कार्य करत असलेल्या सोबतच वारकरी संप्रदायातील मानवतावादी , बंधुतावादी व समतावादी मूल्यांच्या उत्कर्ष – संवर्धन सोबतच प्रचार प्रसार कार्यात अग्रणी राहत सामाजिक एकतेच्या कार्यात सातत्याने सजग असलेल्या संत चोखामेळा अध्यासन केंद्र या संस्थेच्या मध्यवर्ती विश्वस्त मंडळात, ग्रामीण जनजीवन व तेथील प्रश्नांचे अभ्यासक , लोकसंस्कृतीचे संवर्धक , सामाजिक सांस्कृतिक परिघात कार्यरत असलेले साप्ताहिक गावगाथा चे संस्थापक संपादक तथा मुक्त पत्रकार धोंडप्पा नंदे यांची निवड करण्यात आली आहे.
संत चोखोबांचे अभंग काळाला जिंकून अमर झालेत , त्यातील बंडखोरीच स्फुल्लिंग बावनकशी आहे . मराठी साहित्य विश्वात त्याला तोड नाही … संत , कवी आणि माणूस म्हणूनही चोखोबा ‘ मोठे ‘च होतेच , त्यांच्या अभंगात भक्ती, तळमळ, आध्यात्मिक उंची तर दिसेतच, तसेच उपेक्षेची खंत ही जाणवते आणि ‘वेदनेचा सूर’ ही लागलेला दिसतो, जो आजही आपले अंत:करण हेलावून टाकतो.संत चोखामेळा यांच्या साहित्यकृतीचा जास्तीत प्रचार प्रसार व्हावा या हेतूने संत चोखामेळा साहित्य संमेलन , संत चोखामेळा व परिवार यांच्यावरील संशोधित ग्रंथ संपदा निर्मिती , संत चोखामेळा समता पुरस्कार , चोखोबा ते तुकोबा एक वारी समतेची ,आदी उपक्रम सातत्याने सुरु असतात .
संत चोखामेळा अध्यासन केंद्राच्या अध्यक्षा मा प्राचार्या उल्काताई चंदनशिवे यांच्या मार्गदर्शनाखालील विश्वस्त मंडळात धोंडप्पा नंदे यांची सर्वानुमते निवड करण्यात आली . संत चोखामेळा महाराज यांच्याशी संबंधित विचार प्रसार कार्यासोबतच भागवत संप्रदाय अर्थात वारकरी संप्रदायाने सांगितलेल्या समता , मानवता , बंधुता व सामाजिक न्याय या समाजहितकारक मुल्यांचा जागर करतांना नवीन विश्वस्त तन मन धन याद्वारे सहभागी होतील अशा आशयाचे नियुक्तीपत्र संत चोखामेळा अध्यासनाचे संस्थापक सचिन पाटील यांनी नवीन विश्वस्तांना दिले आहे .
