दिपावलीच्या मंगल पर्वावर वटवृक्ष मंदिरात पहाटगाण्यांचा सुमधूर स्वराविष्कार

दिपावलीच्या मंगल पर्वावर वटवृक्ष मंदिरात पहाटगाण्यांचा सुमधूर स्वराविष्कार

अनंतकोटी ब्रम्हांडनायक अक्कलकोट निवासी सदगुरु श्री स्वामी समर्थांच्या चरणी वंदन करून यंदाच्या दिपावलीच्या शुभ मुहुर्तावर येथील श्री वटवृक्ष मंदिरात पहाटगाण्यांचा सुमधूर स्वराविष्कार व अभंगसंध्या ह्या भावभक्ती संगीताचा कार्यक्रम दिनांक १२/११/२३ ते दिनांक १४/११/२३ अखेर आयोजित करण्यात आल्याची माहिती मंदिर समितीच्या वतीने चेअरमन महेश इंगळे यांनी दिली.
मनोहर देगांवकर (बी.एस.सी.बी.एड.एम.ए.) व संतोष देगांवकर (एम.ए.एम.फील.पी.एच.डी.) संगीत व कीर्तन अलंकार अक्कलकोट यांच्या सुमधूर स्वरातून पहाट गाणी (भावमय स्वरांजली) रविवार दिनांक १२/११/२०२३ रोजी पहाटे ५: १५ ते सकाळी ८ पहाटगाणी, सायं ५ ते ७ अभंगसंध्या, सोमवार दि.१३/११/२३ रोजी पहाटे ५:१५ ते सकाळी ८ पहाटगाणी, मंगळवार दि. १४/११/२३ रोजी सायं ५ ते ७ या वेळेत अभंगसंध्या कार्यक्रम सादर होतील. तसेच सोमवार दि.१३ नोव्हेबर रोजी सोलापूरचे सुप्रसिद्ध गायक विलास कुलकर्णी व रमा कुलकर्णी यांच्या भक्ती संगीताचा कार्यक्रम हार्मोनियम वादक ओंकार पाठक व तबलावादक नितीन दिवाकर यांच्या सहकार्याने सायंकाळी ४:३० ते ६:३० या वेळेत संपन्न होईल. वरील सर्व कार्यक्रम देवस्थानच्या ज्योतीबा मंडपात नियोजीत तारखेस व वेळेवर श्रींच्या चरणी सादर होतील, तरी दिपाववलीनिमीत्त आयोजीत करण्यात आलेल्या या कार्यक्रमांचा भाविकांनी लाभ घ्यावा असे आवाहन मंदिर समितीचे चेअरमन महेश इंगळे यांनी केले आहे.