Akkalkot: मनसेचे माजी आमदार नितीन सरदेसाई यांनी घेतला अक्कलकोट स्वामींचे दर्शन

अक्कलकोट (प्रतिनिधी): श्री स्वामी समर्थ अन्नछत्र मंडळाचे संस्थापक अध्यक्ष जन्मेजयराजे भोसले यांच्या मार्गदर्शनाखाली व प्रमुख कार्यकारी विश्वस्त अमोलराजे भोसले यांच्या नेतृत्वाखाली सुरु केलेल्या अन्नदान हे सर्वश्रेष्ठ दान असून, ते या अन्नछत्रमध्ये नियमित अन्नदान होत असते ही खूप समाधानाची बाब असल्याचे मनोगत मुंबईचे माजी आमदार व मनसेचे नेते नितीन सरदेसाई यांनी व्यक्त केले.

ते तीर्थक्षेत्र अक्कलकोट येथील श्री स्वामी समर्थ अन्नछत्र मंडळात सहकुटुंब आले असता न्यासाचे प्रमुख कार्यकारी विश्वस्त अमोलराजे भोसले यांच्या हस्ते श्रींची प्रतिमा, कृपावस्त्र व श्रीफळ देऊन मंडळाच्या वतीने सत्कार करण्यात आला. यावेळी ते बोलत होते. त्यांच्या समवेत मनसेचे अमर कुलकर्णी, प्रशांत इंगळे, तालुकाध्यक्ष मल्लिनाथ पाटील श्रीकांत पाटील, आदर्श मळगी हे उपस्थित होते.

याप्रसंगी मंडळाचे उपाध्यक्ष अभय खोबरे, सचिव शामराव मोरे, मनोज निकम, सौरभ मोरे, निखील पाटील, गोटू माने, प्रवीण घाडगे, पिंटू दोडमनी, बाळासाहेब पोळ, नामा भोसले, सतीश महिंद्रकर, मुख्य पुरोहित अप्पू पुजारी, संजय कुलकर्णी, एस.के.स्वामी, सिद्धाराम कल्याणी, स्वप्नील माणिकशेट्टी, राजेंद्र पवार, प्रसाद हुल्ले, अनिल बिराजदार, शरद भोसले, रमेश हेगडे, शिवकुमार स्वामी, शावरेप्पा माणकोजी, मल्लिनाथ कोगनुरे, महांतेश स्वामी, समर्थ घाडगे, धनंजय निंबाळकर, विठ्ठल रेडी यांच्यासह सेवेकरी, कर्मचारी, भक्तगण बहुसंख्येने उपस्थित होते.