वटवृक्ष देवस्थानच्या कार्यास जीवन समर्पित करणारे महेश इंगळे यांचे नेतृत्व – खासदार संदीपान भुमरे

वटवृक्ष देवस्थानच्या कार्यास जीवन समर्पित करणारे महेश इंगळे यांचे नेतृत्व – खासदार संदीपान भुमरे

(श्रीशैल गवंडी, अक्कलकोट, दि.२९/८/२४) – येथील श्री वटवृक्ष स्वामी महाराज
मंदिर समितीच्या कार्यास जीवन समर्पित करून देवस्थानच्या कार्यास जीवन समर्पित करणारे अध्यक्ष म्हणून महेश इंगळे यांनी नावलौकिक मिळविला आहे. म्हणून वटवृक्ष देवस्थानच्या कार्यास जीवन समर्पित करणारे महेश इंगळे यांचे नेतृत्व असल्याचे मनोगत
संभाजी नगरचे विद्यमान खासदार संदीपान भुमरे यांनी व्यक्त केले. ते नुकतेच येथील श्री वटवृक्ष स्वामी महाराज मंदिरास सहकुटुंब भेट देऊन श्री स्वामी समर्थांचे दर्शन घेतले. याप्रसंगी मंदिर समितीच्या वतीने समितीचे चेअरमन व नगरसेवक महेश इंगळे यांनी खासदार संदीपान भुमरे व कुटुंबीयांचा श्री स्वामी समर्थांचे कृपावस्त्र, प्रसाद, प्रतिमा देऊन यथोचित सन्मान केला. यावेळी भुमरे बोलत होते. पुढे बोलताना खासदार भुमरे यांनी महेश इंगळे व त्यांचे सुपुत्र प्रथमेश इंगळे यांच्या नेतृत्वाखाली मंदिर समिती कार्याचा विस्तार दिवसागणिक वाढत आहे. स्वामी समर्थांच्या या सेवाकार्याचा विस्तार भविष्यातही असेच वाढत राहून येणाऱ्या काळात सर्व स्वामी भक्तांच्या स्वामी दर्शनाची आस पूर्ण करणेकामी यापेक्षाही आणखी उत्तम नियोजन करून भाविकांना जास्तीत जास्त सोयी सुविधा पुरविणे तसेच अक्कलकोट व स्वामी दर्शनाची ही यात्रा सुखी व समाधानी व्हावी असं सेवाकार्य करण्याचे बळ महेश इंगळेंना व प्रथमेश इंगळे यांना स्वामी समर्थांनी द्यावे असे मनोगत व्यक्त केले. यावेळी मंदिर समितीचे सचिव आत्माराम घाटगे, विश्वस्त महेश गोगी, श्रीशैल गवंडी, गिरीश पवार, संजय पवार, प्रसाद सोनार, श्रीकांत मलवे, स्वामीनाथ मुमूडले, विपूल जाधव, मोहन शिंदे व भाविक भक्त उपस्थित होते.

   

फोटो ओळ – खासदार भुमरे व कुटुंबीयांचा श्री वटवृक्ष स्वामी महाराज मंदिरात सत्कार करताना महेश इंगळे दिसत आहेत.