महेश इंगळे यांची उच्च दर्जात्मक विचारसारणी आणि कार्यातून ‘धर्म, अध्यात्म व समाजसेवेचा’ त्रिवेणी संगम अनुभवला – प्रा.डॉ.शशिकांत तोलमारे

महेश इंगळे यांची उच्च दर्जात्मक विचारसारणी आणि कार्यातून ‘धर्म, अध्यात्म व समाजसेवेचा’ त्रिवेणी संगम अनुभवला – प्रा.डॉ.शशिकांत तोलमारे

श्री स्वामी समर्थाचे दर्शन व महेश इंगळे यांच्या हस्ते सत्कारानंतर प्रा.डॉ.शशिकांत तोलमारे यांचे मनोगत.

(श्रीशैल गवंडी, दि.५/८/२०२५.अ.कोट.)
येथील श्री वटवृक्ष स्वामी महाराज देवस्थान च्या माध्यमातून मंदिर समितीचे अध्यक्ष महेश इंगळे यांनी असंख्य गोरगरीब विद्यार्थ्यांसाठी शैक्षणिक सुविधेसह निवासाची व्यवस्था संस्थानच्या वतीने करत असल्याचे समजले होते. आज प्रत्यक्ष त्यांना भेटून अतिशय आनंद झाला. एका समाज कार्य करणाऱ्या व स्वामीवर गाढ श्रद्धा ठेवून अध्यात्मिक, सामाजिक व सांस्कृतिक क्षेत्रात कार्य करणाऱ्या व्यक्तीला भेटल्याचा आनंद झाला. त्यांची कल्पकता त्यांचा दूरदृष्टीकोण व भविष्यातील अनेक योजना ऐकून मी थक्क झालो. आज स्वामी दर्शनानंतर महेश इंगळे यांची उच्च दर्जात्मक विचारसारणी आणि कार्यातून ‘धर्म, अध्यात्म व समाजसेवेचा’ त्रिवेणी संगम अनुभवला असल्याचे मनोगत नांदेड महाविद्यालयातील भुगोल विभाग प्रमुख प्रा.डॉ.शशिकांत तोलमारे यांनी व्यक्त केले. आज येथील श्री.वटवृक्ष स्वामी महाराज देवस्थान कार्यालयात प्रा.डॉ.शशिकांत तोलमारे यांची अध्यक्ष महेश इंगळे यांच्याशी सदीच्छा भेट झाली. या प्रसंगी मंदीर समितीच्या वतीने समितीचे चेअरमन महेश इंगळे यांनी
प्रा.डॉ.शशिकांत तोलमारे व त्यांच्या सुविद्य पत्नी उज्वला, वहिनी आशा तोलमारे, चिरंजीव पार्थ तोलमारे व कुटूंबियांचा श्री स्वामी समर्थांचे कृपावस्त्र, प्रसाद, प्रतिमा देवून यथोचित सन्मान केला. यावेळी बोलताना प्रा.डॉ.शशिकांत तोलमारे यांनी आपल्या भावना व्यक्त केल्या. पुढे बोलताना ज्यांच्यामुळे सर्व योग जुळून आला ते माझे परममित्र अक्कलकोटचे प्रा.डॉ.शिवराय आडवीतोट यांच्यामुळे हा श्री स्वामी समर्थांच्या दर्शनाचा व महेश इंगळे यांच्या हस्ते सन्मानीत होण्याचे भाग्य लाभले त्यामुळे मंदिर समितीचे अध्यक्ष महेश इंगळे यांच्या आदर्श त्यामुळे आपण भारावलो असल्याचे मनोगतही प्रा.डॉ.शशिकांत तोलमारे यांनी व्यक्त केले. यावेळी प्रा.डॉ. शिवराया अडवितोट, समितीचे सचिव आत्माराम घाटगे, विश्वस्त महेश गोगी, श्रीशैल गवंडी, प्रा.शिवशरण अचलेर, बाळासाहेब एकबोटे, अंकूश केत, विश्वनाथ देवरमनी सर इत्यादी उपस्थित होते.

फोटो ओळ – प्रा.डॉ.शशिकांत तोलमारे व कुटूंबियांचा देवस्थान कार्यालयात सत्कार करताना महेश इंगळे, प्रा.डॉ.शिवराया आडवितोट व अन्य दिसत आहेत.