वेतनत्रृटी आणि कंत्राटी भरतीच्या निषेधार्थ परिचारिका संघटनेचे राज्यव्यापी आंदोलन

वेतनत्रृटी आणि कंत्राटी भरतीच्या निषेधार्थ परिचारिका संघटनेचे राज्यव्यापी आंदोलन
…………………………………..
छ.संभाजीनगर :
सातव्या वेतन आयोगातील परिचारिका संवर्गातील वेतनत्रृटी आणि कंत्राटी भरतीच्या विरोधात महाराष्ट्र राज्य परिचारिका संघटनेने ( संलग्नित मुख्यालय लातूर)
दि. 15 व 16 जुलै 2025 रोजी आझाद मैदान मुंबई येथे धरणे व निदर्शने, 17 जुलै 2025 ला एक दिवसाचे राज्यव्यापी कामबंद आंदोलन, व याची दखल न घेतल्यास 18 जुलै 2025 पासून राज्यव्यापी बेमुदत कामबंद आंदोलन केले जाणार असल्याचा इशारा महाराष्ट्र राज्य परिचारिका संघटनेने दिला आहे.
राज्यात सातवा वेतन आयोग लागू करण्यासाठी 2017 साली बक्षी समिती गठीत करण्यात आली होती. बक्षी समितीसमोर महाराष्ट्र राज्य परिचारिका संघटना मुख्यालय लातूर संघटनेने राज्यातील परिचारिका संवर्गातील सर्व पदाच्या वेतन तफावत दूर करण्याची मागणी केली. बक्षी समितीने खंड 2 प्रसिद्ध केल्यावर त्यात अधिपरिचारिका, परिसेविका, पाठयनिदर्शका,तसेच सार्वजनिक आरोग्य विभागातील बालरोग परिचारिका या पदावरील अन्याय दूर झाला नाही. याप्रकरणी न्यायालयात दाद मागण्यात आली. विविध संघटनांच्या न्यायालयीन प्रकरणामुळे पुन्हा मा. मुकेश खुल्लर यांची समिती गठीत केली. आणि या समितीने देखील परिचारिकांची घोर निराशा केली. तसेच वैद्यकीय शिक्षण विभागाने दि. 6 जून रोजी परिचारिकांच्या कंत्राटी भरतीचा शासन निर्णय निर्गमित करण्यात आला.यास राज्यभरातून कडाडून विरोध करण्यात आला. आणि शासन निर्णय रद्द करण्यात आला. राज्यात वाढत्या लोकसंखेनूसार 100टक्के पद निर्मिती करणे ,100 टक्के पदोन्नतीसाठी संघटना शासनाकडे वारंवार पाठपुरावा करीत असून याकडे शासनाचे दुर्लक्ष झाल्याने परिचारिका संवर्गात संताप व्यक्त केला जात आहे. याचसाठी 15 व 16 जुलै 2025 पासून धरणे, 17 जुलै एक दिवस बेमुदत काम बंद आंदोलन, आणि 18 जुलै 2025 पासून बेमुदत कामबंद आंदोलन केले जाणार असल्याची माहिती महाराष्ट्र राज्य परिचारिका संघटना (शासन मान्य ) शाखा शासकीय कर्करोग रुग्णालय छ.संभाजीनगर यांच्या पदाधिकाऱ्यांनी दिली.