शिव-शरण अक्कलकोट भुषण पुरस्कार व स्वामींचे कृपाशिर्वाद या उतारवयातील जीवनास प्रेरक – प्रा.श्रीकांत जिड्डीमनी

शिव-शरण अक्कलकोट भुषण पुरस्कार व स्वामींचे कृपाशिर्वाद या उतारवयातील जीवनास प्रेरक – प्रा.श्रीकांत जिड्डीमनी

प्रा.श्रीकांत जिड्डीमनी यांना शिव-शरण अक्कलकोट भुषण पुरस्कार लाभल्याप्रित्यर्थ प्रा.श्रीकांत जिड्डीमनी यांचा वटवृक्ष मंदीरात सत्कार.

(श्रीशैल गवंडी, अ.कोट, दि.२०/०७/२०२५)
शिव-शरण अक्कलकोट भुषण पुरस्कार व स्वामींचे कृपाशिर्वाद या माझ्या उतारवयातील जीवनास प्रेरक असल्याचे मनोगत येथील अक्कलकोट एज्युकेशन सोसायटी संचलित सी.बी.खेडगी महाविद्यालयाचे प्राध्यापक श्रीकांत जिड्डीमनी यांनी व्यक्त केले. नुकतेच सी.बी. खेडगी महाविद्यालय व खेडगी महाविद्यालयाचे चेअरमन बसलिंगप्पा खेडगी मित्रपरिवाराच्या वतीने प्राध्यापक
श्रीकांत जिड्डीमनी यांना शिव-शरण अक्कलकोट भुषण पुरस्काराने सन्मानीत करण्यात आल्याप्रित्यर्थ येथील श्री वटवृक्ष स्वामी महाराज देवस्थान समितीच्या वतीने समितीचे चेअरमन महेश इंगळे यांनी प्राध्यापक श्रीकांत जिड्डीमनी यांचा श्री स्वामी समर्थांचे कृपावस्त्र, प्रसाद, प्रतिमा देवून यथोचित सन्मान केला. यावेळी बोलताना प्राध्यापक श्रीकांत जिड्डीमनी यांनी आपल्या भावना व्यक्त केल्या. पुढे बोलताना प्रा.श्रीकांत जिड्डीमनी यांनी श्री स्वामी समर्थांच्या कृपेमुळे जीवनाच्या या टप्प्यावर असा पुरस्कार लाभले आहे व त्या निमीत्ताने आज मंदीर समितीचे प्रमुख महेश इंगळे यांचे आशिर्वाद व स्वामींचे कृपावस्त्र लाभणे म्हणजे स्वामी समर्थांचे आशिर्वाद पाठीशी राहून या अर्थाने माझ्या अंतर आत्म्याला मोठे समाधान लाभले असल्याचे सांगून महेश मालक इंगळे व श्री स्वामी समर्थांचे आशिर्वाद सदैव आपल्या पाठीशी रहावे अशी सदीच्छा व्यक्त केली. यावेळी मंदीर समितीचे सचिव आत्माराम घाटगे, विश्वस्त महेश गोगी, श्रीशैल गवंडी, सी.बी.खेडगी महाविद्यालयाचे मा. प्रा.शिवशरण अचलेर, राज्य परिवहन महामंडळातील अक्कलकोट आगाराचे सेवानिवृत्त वाहतुक नियंत्रक सुधाकर काळे, विपूल जाधव, प्रशांत स्वामी, सागर गोंडाळ इत्यादी उपस्थित होते.

फोटो ओळ – देवस्थान कार्यालयात प्रा.श्रीकांत जिड्डीमनी यांचा सत्कार करताना महेश इंगळे, प्रा.शिवशरण अचलेर व अन्य दिसत आहेत.