स्वामी समर्थांचे मुळ देवस्थान हे अध्यात्मिक उन्नती सोबत स्वामीसेवकांसाठी धार्मिक मनोरंजनचे हक्काचे व्यासपीठ – महेश इंगळे

स्वामी समर्थांचे मुळ देवस्थान हे अध्यात्मिक उन्नती सोबत स्वामीसेवकांसाठी धार्मिक मनोरंजनचे हक्काचे व्यासपीठ – महेश इंगळे

श्री वटवृक्ष स्वामी महाराज मंदीरात डोंबिवली-बदलापूर स्वामीभक्त मंडळींची मासिक सेवा संपन्न.

(श्रीशैल गवंडी, दि.२२/०७/२०२५.अ.कोट)
डोंबीवली येथील सद्गुरु अण्णा लिमये यांच्या मार्फत श्री स्वामी समर्थ नामाचा प्रचार आणि प्रसार या कार्याअंतर्गत पदयात्रा, जप, नामस्मरण, मानसपुजा, कीर्तन, भजन, गायन या सेवेत, अध्यात्मिक उन्नती सोबत स्वामीसेवकांसाठी मनोरंजनाचे हक्काचे व्यासपीठ हे ध्येय समोर ठेवून अक्कलकोट मासिक कीर्तन सेवेचे आयोजन येथील श्री वटवृक्ष स्वामी महाराज देवस्थान मध्ये “स्वामी हो” गृप आणि “डोंबिवली बदलापूर स्वामीभक्त मंडळी”चे सोमदत्त आसोलकर करत आलेले आहेत असे भावोद्गार देवस्थानचे चेअरमन महेश इंगळे यांनी काढले.
आज डोंबीवली येथील सद्गुरु अण्णा लिमये यांच्या मार्फत श्री स्वामी समर्थ नामाचा प्रचार आणि प्रसार या कार्याअंतर्गत पदयात्रा, जप, नामस्मरण, मानसपुजा, कीर्तन, भजन, गायन इत्यादी धार्मिक
कार्यक्रमांतर्गत अक्कलकोट स्वामींची
१२६ वी मासिक सेवा येथील श्री वटवृक्ष स्वामी महाराज देवस्थानच्या ज्योतीबा मंडपात मोठ्या भक्ती भावात संपन्न झाली. या प्रसंगी मंदीर समितीचे चेअरमन महेश इंगळे बोलत होते. कार्यक्रमाच्या प्रारंभी मंदीर समितीच्या वतीने समितीचे चेअरमन महेश इंगळे यांनी सोमदत्त आसोलकर व सर्व सेवेकऱ्यांचा श्री स्वामी समर्थांचे कृपावस्र, प्रसाद, प्रतिमा देवून यथोचित सन्मान केला.
यानंतर अक्कलकोट स्वामींच्या १२६ व्या या मासिक कीर्तन सेवेदरम्यान सकाळच्या सत्रात जप, नामस्मरण आणि मानसपूजा या सेवा स्वामीचरणी संपन्न झाल्या. मानसपुजेच्या कार्यक्रमाचे सूत्रसंचालन भरत डिंगोरकर आणि संतोष रहाटे यांनी केले. यानंतर मासिक कीर्तन सेवा ह.भ.प.गणेश बुवा गाडगीळ यांच्या नारदीय कीर्तनाने संपन्न झाली. तबला वादक सुनिल शेलार आणि संवादिनी वादक
मयूर स्वामी यांनी कीर्तनकारांना उत्तम साथसंगत केली. या सर्व कार्यक्रमास श्रोत्यांनीही मोठी गर्दी केली होती. सर्व वातावरण स्वामीमय झाले होते. या प्रसंगी महेश इंगळे यांनी डोंबीवली-बदलापूर करांना या मासिक सेवेच्या माध्यमातून स्वामी सेवा करण्याची संधी उपलब्ध करून दिल्याप्रित्यर्थ कृतज्ञता व्यक्त पुर्वक बोलताना सोमदत्त आसोलकर यांनी पुर्व जन्माचे स्वामींशी काहीतरी ऋणानुबंध आणि स्वामी महाराजांचे कृपा-आशीर्वाद असल्यानेच आपण सर्व अक्कलकोट मासिक कीर्तन सेवेत सामील होत आहोत. आपल्या सर्वांच्या उस्फूर्त प्रतिसादामुळे या सेवेचे यज्ञकुंड गेल्या १२६ महिन्यांपासून सतत धगधगत आहे. या पुढेही ही सेवा अविरतपणे श्री स्वामी समर्थांच्या चरणी रूजू होत रहावी याकरीता श्री स्वामी समर्थांच्या चरणी प्रार्थना करुन मंदीर समिती ने दिलेली स्वामी सेवेची संधीचे पुण्य फळाला आल्याचे भावोद्गार काढले. या प्रसंगी मंदीर समितीचे सचिव आत्माराम घाटगे, विश्वस्त महेश गोगी, प्रथमेश इंगळे, प्रा.शिवशरण अचलेर, बाळासाहेब एकबोटे, अंकूश केत, संतोष जाधव, श्रीशैल गवंडी, रविराव महिंद्रकर, स्वामीनाथ लोणारी, विपूल जाधव, सागर गोंडाळ, महेश मस्कले, श्रीकांत मलवे, खाजप्पा झंपले, दर्शन घाटगे, स्वामीनाथ मुसळे आदींसह भाविक भक्त मोठया संखेने उपस्थित होते.

फोटो ओळ – श्री वटवृक्ष स्वामी महाराज मंदीरात कीर्तनसेवा सादरीकरण प्रसंगी ह.भ.प.गणेशबुवा गाडगीळ दिसत आहेत.