स्वामी सेवा समजून आवश्यक ते सहकार्य करण्यास तत्पर – पो.नि.सुरेश चिल्लावार

स्वामी सेवा समजून आवश्यक ते सहकार्य करण्यास तत्पर – पो.नि.सुरेश चिल्लावार

स्वामी दर्शनानंतर अक्कलकोट साऊथ पोलीस स्टेशनचे नुतन पो.नि.सुरेश चिल्लावार यांचे मनोगत.

(अ.कोट, श्रीशैल गवंडी,दि.१०/०८/२०२५) – येथील श्री वटवृक्ष स्वामी महाराज देवस्थान हे श्री स्वामी समर्थांचे मूळस्थान आहे. अलीकडील काळात स्वामी भक्तांची संख्या वाढत चालली आहे. या कारणाने येथील वटवृक्ष स्वामी महाराज देवस्थानास येणाऱ्या भाविकांची संख्याही वाढत चालली असल्याचे आपणास समजले आहे. मंदिराच्या मर्यादित परिसरात मंदिर समितीचे चेअरमन महेश इंगळे यांनी उदात्त स्वामी सेवेच्या दिनक्रमाने स्वामी भक्तांच्या सेवेत नित्यपणे कार्यरत आहेत. हे ऐकून खूप समाधान झाले. मी ही एक निस्सीम स्वामीभक्त असल्याने अशा बाबींकडे कटाक्षाने वैयक्तिक लक्ष देण्यास, व श्री स्वामी समर्थांवरील श्रद्धेय भक्ती भावनेने वटवृक्ष मंदिर समितीस आवश्यक ते सहकार्य करण्यास आपण नेहमीच तत्पर असल्याचे मनोगत अक्कलकोट साऊथ पोलीस स्टेशनचे नुतन पोलीस निरीक्षक सुरेश चिल्लावार यांनी व्यक्त केले. ते नुकतेच येथील साऊथ पोलीस स्टेशनच्या पोलीस निरीक्षक पदाचा पदभार स्विकारल्यानंतर सर्वप्रथम येथील श्री वटवृक्ष स्वामी महाराज मंदिरास सहकुटूंब भेट देवून श्री स्वामी समर्थांचे दर्शन घेतले. यावेळी मंदिर समितीच्या वतीने चेअरमन महेश इंगळे यांच्या मार्गदर्शनाखाली समितीचे सचिव आत्माराम घाटगे यांनी पो.नि.सुरेश चिल्लावार व कुटूंबियांचा श्री स्वामी समर्थांचे कृपावस्त्र, प्रसाद, प्रतिमा देऊन यथोचित सन्मान केला. यावेळी पो.नि.सुरेश चिल्लावार बोलत होते. याप्रसंगी विश्वस्त महेश गोगी, श्रीशैल गवंडी, गिरीश पवार, विपुल जाधव, श्रीकांत मलवे, प्रसाद सोनार, आदींसह भारतीय जनता पार्टीचे कार्यकर्ते उपस्थित होते.

फोटो ओळ – पो.नि.सुरेश चिल्लावार व कुटूंबियांचा वटवृक्ष मंदिरात सत्कार करताना आत्माराम घाटगे व अन्य दिसत आहेत.