श्री.वटवृक्ष स्वामी महाराज देवस्थान समितीच्या उत्कृष्ट व्यवस्थापनात पुर्वीसारखेच सातत्य

श्री.वटवृक्ष स्वामी महाराज देवस्थान समितीच्या उत्कृष्ट व्यवस्थापनात पुर्वीसारखेच सातत्य

श्री स्वामी समर्थांच्या दर्शनानंतर पुणे महापालिकेचे सेवानिवृत्त आयुक्त राजेंद्र भोसले यांचे मनोगत

पुणे महापालिका माजी आयुक्त राजेंद्र भोसले यांचा महेश इंगळे यांच्या हस्ते सत्कार

(श्रीशैल गवंडी, अ.कोट. दि.२१/०८/२०२५)
येथील वटवृक्ष निवासी श्री स्वामी समर्थांच्या निस्सीम स्वामी भक्तीला स्मरत आज येथे येऊन मनोभावे श्री स्वामी समर्थांचे दर्शन घेवून लाभलेलं समाधान अतुलनीय व संस्मरणीय आहे. अनेक वर्षानी स्वामी दर्शनाचा लाभ मिळाल्याने दर्शनाची ही बाब माझ्या व माझ्या कुटूंबियांसाठी खास आहे. मंदीर समितीचे प्रमुख महेश इंगळे हे अत्यंत विनम्रभावे आमचे आदरतिथ्य करुन व श्री स्वामी दर्शन प्रसंगी प्रामुख्याने उपस्थित राहून श्री स्वामी समर्थांचे कृपावस्त्र देवून आमचा सन्मान केल्याने स्वामींच्या आशिर्वादाची आज पुन्हा एकदा प्रचिती आली. एकंदरीत श्री.वटवृक्ष स्वामी महाराज देवस्थान समितीच्या उत्कृष्ट व्यवस्थापनात पुर्वीसारखेच सातत्य असल्याचे मनोगत भारतीय प्रशासन सेवेतील सोलापूरचे माजी जिल्हाधिकारी तथा पुणे महानगर पालिकेचे सेवानिवृत्त महापालिका आयुक्त (IAS) राजेंद्र भोसले यांनी व्यक्त केले. ते नुकतेच आज येथील श्री वटवृक्ष स्वामी महाराज देवस्थानास सहकुटूंब भेट देऊन स्वामी समर्थांचे दर्शन घेतले. याप्रसंगी मंदिर समितीच्या वतीने समितीचे चेअरमन महेश इंगळे-प्रथमेश इंगळे यांनी माजी आयुक्त (IAS) राजेंद्र भोसले व कुटूंबियांचा श्रींचे कृपावस्त्र, प्रसाद, प्रतिमा देऊन यथोचित सत्कार केला. यावेळी मंदिर व्यवस्थापनातील सातत्य, शिस्त, स्वच्छता व प्रसन्न वातावरण पाहून भोसले साहेब बोलत होते. यावेळी तहसीलदार विनायक मगर, प्रथमेश इंगळे, तलाठी सुहास डोईफोडे, देवस्थानचे सचिव आत्माराम घाटगे, विश्वस्त महेश गोगी, संपतराव शिंदे, श्रीशैल गवंडी, ऋषिकेश लोणारी, सागर गोंडाळ, व पालिकेचे कर्मचारी उपस्थित होते.

फोटो ओळ – मा.आयुक्त पुणे मनपा राजेंद्र भोसले यांचा सत्कार करताना चेअरमन महेश इंगळे, तहसीलदार विनायक मगर व अन्य दिसत आहेत.