श्री वटवृक्ष मंदिरामुळे स्वामी समर्थांची कीर्ती सर्वदूर – अभिनेते मकरंद अनासपुरे

श्री वटवृक्ष मंदिरामुळे स्वामी समर्थांची कीर्ती सर्वदूर – अभिनेते मकरंद अनासपुरे

प्रथमेश इंगळे यांच्या नियोजनबद्ध व्यवस्थेतून झाला स्वामी दर्शनाचा लाभ

श्री स्वामी समर्थांच्या दर्शनानंतर अभिनेते मकरंद अनासपुरे यांचे मनोगत.

(अ.कोट, दि.२५/०१/२६) – येथील श्री वटवृक्ष स्वामी महाराज देवस्थानमुळे व स्वामी समर्थांच्या जागृत वास्तव्यामुळे अनेक भाविकांना स्वामींच्या कार्याची प्रचिती येत आहे. या प्रचितीमुळेच भाविकांचा कल स्वामी दर्शनाकडे नित्य नियमाने वाढत आहे. येथील श्री वटवृक्ष मंदिरातील उत्कृष्ट व्यवस्थापन, नियोजनबद्ध दर्शन सेवा, विनम्रभावे आदरतिथ्य या सर्व आध्यात्मिक पैलुंमुळे अक्कलकोट तीर्थक्षेत्र हे आज मितीस सर्वोच्च स्थानावर आहे. या निमित्ताने श्री वटवृक्ष स्वामी महाराज देवस्थानमुळे स्वामी समर्थांची कीर्ती सर्व दूर पसरली असल्याचे मनोगत प्रसिध्द अष्टपैलू अभिनेते मकरंद अनासपूरे यांनी व्यक्त केले. ते नुकतेच येथील श्री वटवृक्ष स्वामी महाराज मंदिरास सहकुटूंब भेट देवून
श्री स्वामी समर्थांचे दर्शन घेतले. याप्रसंगी मंदिर समितीच्या वतीने समितीचे चेअरमन महेश इंगळे यांच्या मार्गदर्शना खाली प्रथमेश इंगळे यांनी अभिनेते मकरंद अनासपूरे व कुटूंबियांचा
श्री स्वामी समर्थांचे कृपावस्त्र, प्रसाद, प्रतिमा देऊन यथोचित सत्कार केला.
यावेळी अभिनेते मकरंद अनासपूरे
बोलत होते. पुढे बोलताना अभिनेते मकरंद अनासपूरे हे मंदीर समितीचे प्रमुख महेश इंगळे व प्रथमेश इंगळे यांच्या नियोजनबद्ध व्यवस्थेतून अनेक दिवसाची इच्छा पूर्ण होऊन स्वामी दर्शनाचा दिव्य लाभ झाला आहे. श्री वटवृक्ष स्वामी महाराज देवस्थान हे श्री स्वामी समर्थांच्या प्रति असलेले मूळ देवस्थान आहे. आणि हे राज्यातील एकमेव असे देवस्थान आहे जिथे मंदिर समितीचे प्रमुख स्वतः उभे राहून सर्व जाती धर्माच्या लोकांना मोफत व सुलभ स्वामी दर्शनाचा लाभ व्हावा याकरिता अहोरात्र कार्यतत्पर असल्याचे पाहून देवस्थान समितीच्या प्रति अनासपुरे कुटुंबियांचा खूप मोठा आदर असल्याचे मनोगत व्यक्त करून मंदिर समितीचे प्रमुख महेश इंगळे, प्रथमेश इंगळे यांचे विशेष आभार मानले. याप्रसंगी व्यंकटेश पुजारी, श्रीशैल गवंडी, दर्शन घाटगे, तुषार मोरे, धनराज स्वामी, संतोष जमगे, महेश काटकर, श्रीकांत मलवे, विपुल जाधव, समर्थ स्वामी, आदीसह भाविक भक्त उपस्थित होते.

फोटो ओळ – अभिनेते मकरंद अनासपूरे व कुटूंबियांचे श्री स्वामी समर्थांचे कृपावस्त्र, प्रसाद, प्रतिमा देवून सत्कार करताना प्रथमेश इंगळे दिसत आहेत.