नगरसेवक पदी ५ वेळा निवडून आल्याबद्दल डोंबिवली-बदलापूर स्वामीभक्त मंडळींच्या वतीने झाला नगरसेवक महेश इंगळे यांचा सन्मान.

नगरसेवक पदी ५ वेळा निवडून आल्याबद्दल डोंबिवली-बदलापूर स्वामीभक्त मंडळींच्या वतीने झाला नगरसेवक महेश इंगळे यांचा सन्मान.

(श्रीशैल गवंडी, अ.कोट, दि.२७/०१/२६)

नगरसेवक पदी ५ वेळा निवडून आल्याबद्दल डोंबिवली-बदलापूर स्वामीभक्त मंडळींच्या वतीने श्री सोमदत्त आसोलकर यांच्या हस्ते, नगरसेवक महेश इंगळे यांचा शाल, श्रीफळ, पुष्पगुच्छ देवून सन्मान करण्यात आला.
पुढे बोलताना स्वामी भक्त सोमदत्त आसोलकर यांनी पिढ्यान पिढ्या स्वामी सेवेचा ध्यास घेऊन सेवाभावाने अविरत कार्य करीत असलेले श्री वटवृक्ष स्वामी महाराज देवस्थानचे चेअरमन तथा अक्कलकोट नगर परिषदेवर सलग ५ वेळा निवडून येण्याचा मान मिळालेले नवनिर्वाचित नगरसेवक माननीय महेश मालक इंगळे यांचे अध्यात्मिक, सामाजिक आणि राजकीय कार्य यापुढेही असेच निर्विघ्नपणे पार पडावे अशी श्री स्वामी समर्थ महाराजांच्या कृपा चरणी प्रार्थना करून महेश इंगळे सरांच्या पुढील वाटचालीस शुभेच्छा व्यक्त केल्या.

त्यानंतर येथील श्री.वटवृक्ष स्वामी महाराज मंदीरातील
श्री स्वामी समर्थांच्या सानिध्यात नामस्मरण, मानसपूजा, कीर्तन, हळदी कुंकू, अभंगवाणी अशा विविध कार्यक्रमांनी नटलेल्या १३२ व्या मासिक कीर्तन सेवेची सांगता डोंबिवली
येथील कीर्तनकार ह.भ.प.श्री.सुधीरबुवा बाळ यांच्या नारदीय कीर्तन सेवेने झाली. यावेळी स्वामी भक्त सोमदत्त आसोलकर बोलत होते.
या कार्यक्रमात सकाळच्या सत्रात श्री अक्कलकोट स्वामी जप, नामस्मरण आणि मानसपूजा संपन्न झाली. मानसपूजेच्या कार्यक्रमाचे सूत्रसंचालन भरत डिंगोरकर आणि संतोष रहाटे यांनी केले. हार्मोनियमवर मयूर स्वामी,तबला वादक सुनील शेलार सर यांनी कीर्तनकारांना उत्तम साथसंगत केली.

अक्कलकोट मासिक कीर्तन सेवेला ११ वर्षे पूर्ण झाली हे श्री वटवृक्ष स्वामी महाराज देवस्थान समितीने दिलेल्या स्वामी सेवेचे पुण्य फळाला आले असल्याचे भावोद्गार डोंबिवली बदलापूर स्वामीभक्त मंडळीचे प्रमुख तथा स्वामी भक्त सोमदत्त आसोलकर यांनी काढले.

दुपारच्या सत्रात, मकर संक्रांतीचे औचित्य साधत हळदी कुंकू समारंभ साजरा केला गेला. त्यामध्ये मुरलीधर मंदिर कॅन्टीन मधील स्त्री सेवेकऱ्यांना साडी वाटप करण्यात आले. हळदी कुंकू समारंभाचे आयोजन प्रिया आसोलकर, राजश्री भिसे, विद्या रहाटे व वैशाली डिंगोरकर यांनी केले. संध्याकाळच्या सत्रात गायक प्रतिक जेऊरगी आणि सहकारी यांच्या ‘स्वर विश्व कला केंद्र’ मुंबई, या संस्थेतर्फे संगीताच्या माध्यमातून भक्ती व अध्यात्माची अनुभूती देणारा “अभंगवाणी” या कार्यक्रमाद्वारे श्री स्वामी समर्थांच्या चरणी स्वरांजली अर्पण करण्यात आली. या प्रसंगी सोमदत्त आसोलकर, प्रिया आसोलकर, भरत डिंगोरकर, संतोष रहाटे, विद्या रहाटे, सुधीर बाळ बुवा, नरेश पाटील, राजश्री भिसे, मंगेश मोरे, क्षमा ओझा, मंदीर समितीचे सचिव आत्माराम घाटगे, विश्वस्त महेश गोगी, प्रथमेश इंगळे, प्रा.शिवशरण अचलेर, बाळासाहेब एकबोटे, अंकूश केत, संतोष जाधव, श्रीशैल गवंडी, रविराव महिंद्रकर, स्वामीनाथ लोणारी, विपूल जाधव, सागर गोंडाळ, महेश मस्कले, श्रीकांत मलवे, खाजप्पा झंपले, दर्शन घाटगे, स्वामीनाथ मुसळे आदींसह भाविक भक्त मोठया संखेने उपस्थित होते.

फोटो ओळ – नगरसेवक महेश इंगळे यांचा सत्कार करताना सोमदत्त आसोलकर व स्वामी भक्त दिसत आहेत.