श्री स्वामी समर्थांचे सुलभ दर्शनाचे नियोजन म्हणजे भाविकांच्या श्रध्देचा सन्मान – फलटण संस्थानचे अजयसिंहराजे नाईक निंबाळकर.

श्री स्वामी समर्थांचे सुलभ दर्शनाचे नियोजन म्हणजे भाविकांच्या श्रध्देचा सन्मान – फलटण संस्थानचे अजयसिंहराजे नाईक निंबाळकर.

अजयसिंहराजे नाईक निंबाळकर व राणीसाहेब उमादेवी महागांवकर यांचा वटवृक्ष मंदीरात महेश इंगळे यांच्या हस्ते सत्कार.

(श्रीशैल गवंडी, अ.कोट. दि.२७/०३/२६)
मंदीर समितीच्या सेवाभावी सेवेच्या माध्यमातून तथा श्री स्वामी समर्थांच्या सुलभ दर्शन प्रणालीतून येथील श्री वटवृक्ष स्वामी महाराज मंदीरात आम्हाला लाभलेल्या सुलभ स्वामी दर्शनाने आम्ही गहिवरलो आहे. उच्च, नीच, गरीब, श्रीमंत असा भेदभाव स्वामींच्या दरबारी पहावयास मिळत नाही. सर्व स्वामी भक्तांना अत्यंत जलद गतीने सुलभ स्वामी दर्शनाचा लाभ करून देत असल्याने मंदिर समितीचे स्वामी समर्थांचे सुलभ दर्शन व्यवस्थेचे नियोजन म्हणजे भाविकांच्या श्रध्देचा सन्मान असल्याचे मनोगत फलटण संस्थानचे अजयसिंहराजे संजीवराजे नाईक निंबाळकर यांनी व्यक्त केले. ते नुकतच येथील श्री वटवृक्ष स्वामी महाराज मंदीरास भेट देवून श्री स्वामी समर्थांचे दर्शन घेतले. यावेळी मंदीर समितीच्या वतीने मंदीर समितीचे चेअरमन महेश इंगळे यांनी राणीसाहेब उमादेवी महागांवकर, अजयसिंहराजे संजीवराजे नाईक निंबाळकर यांचा श्री स्वामी समर्थांचे कृपावस्त्र, प्रसाद, प्रतिमा देवून यथोचित सन्मान केला. यावेळी अजयसिंहराजे नाईक निंबाळकर बोलत होते. पुढे बोलताना अजयसिंहराजे नाईक निंबाळकर यांनी दैनंदीन जीवनात वावरत असताना विविध भागांमध्ये अनेक स्वामी भक्तांची भक्ती पाहून स्वामींच्या दर्शनाकरीता येथे येण्याची प्रेरणा लाभली. यामुळेच आज येथे आल्यानंतर मंदीर समितीच्या सहकार्याने व महेश इंगळे यांच्या आदरतिथ्याने सुलभ स्वामी दर्शनाचा लाभ घेता आला असल्याने महेश मालक इंगळे व मंदीर समितीचे आपण शत:श ऋणी असल्याचे मनोगत ही व्यक्त केले. याप्रसंगी प्रथमेश इंगळे, मंदीर समितीचे सचिव आत्माराम घाटगे, विश्वस्त महेश गोगी, श्रीकांत मलवे, अविनाश सुरवसे, विपूल जाधव, सागर गोंडाळ इत्यादी उपस्थित होते.

फोटो ओळ – राणीसाहेब उमादेवी महागांवकर, अजयसिंहराजे नाईक निंबाळकर यांचा देवस्थान कार्यालयात सत्कार करताना महेश मालक इंगळे व अन्य दिसत आहेत.