एक चांगला शिक्षक केवळ पुस्तकी ज्ञान देत नाही, तर तो आपल्या विद्यार्थ्याचे संपूर्ण आयुष्य आणि त्याची दिशा बदलून टाकतो!”

“एक चांगला शिक्षक केवळ पुस्तकी ज्ञान देत नाही, तर तो आपल्या विद्यार्थ्याचे संपूर्ण आयुष्य आणि त्याची दिशा बदलून टाकतो!”

कर्नाटकच्या हावेरी जिल्ह्यातील कुमरेश्वर हायस्कूलचे शिक्षक सी. एस. वस्त्रद यांच्या सेवानिवृत्ती सोहळ्यात एक असा हृदयस्पर्शी प्रसंग घडला, ज्याने तिथे उपस्थित प्रत्येकाचे डोळे पाणावले. त्यांचे माजी विद्यार्थी नवीन हुलीहळ्ळी यांनी आपल्या लाडक्या गुरुजींना एक नवीन कार भेट म्हणून दिली!

नवीन यांच्या बालपणीच त्यांच्या वडिलांचे छत्र हरवले होते. घरची आर्थिक परिस्थिती अतिशय बिकट असल्यामुळे त्यांची शिक्षण पूर्णपणे बंद पडण्याची वेळ आली होती. अशा अत्यंत हलाखीच्या आणि कठीण काळात त्यांचे शिक्षक सी. एस. वस्त्रद हे खऱ्या अर्थाने देवदूतासारखे धावून आले. त्यांनी केवळ नवीन यांना धीरच दिला नाही, तर अनेक वर्षांपर्यंत त्यांची शाळेची फी देखील स्वतः भरली आणि त्यांना शिकायला मदत केली.

आज कठोर परिश्रमाच्या जोरावर नवीन एका मोठ्या बहुराष्ट्रीय कंपनीत उच्च पदावर कार्यरत आहेत. आपल्या गुरुजींना कारची चावी देताना नवीन अतिशय भावूक झाले आणि म्हणाले— “माझ्या या आजच्या यशात आणि कर्तृत्वात सर्वात मोठा वाटा माझ्या गुरुजींचा आहे.” गुरू आणि शिष्याच्या पवित्र नात्याचे हे अनोखे रूप पाहून तिथे उपस्थित असलेल्या प्रत्येक व्यक्तीचे डोळे आनंदाच्या अश्रूंनी ओले झाले. ही सुंदर कथा आपल्याला पुन्हा एकदा आठवण करून देते की, एका शिक्षकाचा प्रभाव केवळ वर्गाच्या चार भिंतींपुरता मर्यादित नसतो, तर तो आयुष्यभर पुरणारा असतो!