कै. कल्याणराव इंगळे तंत्रनिकेतनची राज्यात गरुड भरारी – प्रा.डॉ.सुनिलदत्त कुलकर्णी

कै. कल्याणराव इंगळे तंत्रनिकेतनची राज्यात गरुड भरारी – प्रा.डॉ.सुनिलदत्त कुलकर्णी

(श्रीशैल गवंडी, दि.२२/०६/२५.अ.कोट)
येथील श्री वटवृक्ष स्वामी महाराज देवस्थान संचलित कै.कल्याणराव इंगळे तंत्रनिकेतन महाविद्यालयातून आज अनेक विद्यार्थ्यांनी उज्वल उज्वल यश संपादन करून उत्तुंग झेप घेतली आहे. या माध्यमातून कै.कल्याणराव इंगळे या तालुक्यातील एकमेव तंत्रनिकेतनमुळे विद्यार्थ्यांच्या अंगी असलेली गुणवत्ता सिध्द झाली आहे. विद्यार्थ्यांच्या या यशात कै.कल्याणराव इंगळे तंत्रनिकेतन महाविद्यालयाचा व येथील तंत्र शिक्षण प्रणालीचा अमुल्य वाटा आहे. या माध्यमातून तालुक्यातील विद्यार्थ्याची योग्य जडणघडण झाल्याने कै.कल्याणराव इंगळे तंत्रनिकेतन महाविद्यालयाला राज्यात नावलौकीक प्राप्त झाला आहे. अल्पावधीतील महाविद्यालयाची ही कामगिरी दखल घेण्याजोगी आहे, म्हणून
कै. कल्याणराव इंगळे तंत्रनिकेतनने राज्यात गरुड भरारी घेतली असल्याचे प्रतिपादन सोलापूर येथील विद्या विकास प्रतिष्ठान
(व्हीव्हीपी) तंत्रनिकेतन महाविद्यालयाचे प्राचार्य डॉ.सुनिलदत्त कुलकर्णी सर यांनी केले. आज येथील कै.कल्याणराव इंगळे तंत्रनिकेतन महाविद्यालयास प्राचार्य डॉ.सुनिलदत्त कुलकर्णी यांनी सदीच्छा भेट देवून महाविद्यालयाचे संस्थापक कै.कल्याणराव इंगळे यांच्या पुतळ्यास पुष्पहार अर्पण करून मानवंदना समर्पित करून प्रथमेश इंगळे यांच्यावतीनं कै.कल्याणराव इंगळे तंत्रनिकेतन महाविद्यालयाच्या उपक्रमांविषयी जाणून घेतल्यानंतर प्रा.डॉ.सुनिलदत्त कुलकर्णी बोलत होते. यावेळी कै.कल्याणराव इंगळे तंत्रनिकेतन महाविद्यालयाच्या वतीने प्रथमेश इंगळे यांनी प्रा.डॉ.सुनिलदत्त कुलकर्णी यांचा श्री स्वामी समर्थांचे कृपावस्त्र, प्रसाद, प्रतिमा देवून यथोचित सत्कार केला. यावेळी श्री.स्वामी समर्थ अन्नछत्र मंडळाचे प्रमुख कार्यकारी विश्वस्त अमोलराजे भोसले, प्रथमेश इंगळे, कै.कल्याणराव इंगळे तंत्रनिकेतन महाविद्यालयाचे प्रा.नागनाथ जेऊरे, मनोज शिंपी सर, विजय पवार, श्रीकांत झिपरे, उमेश सोनवणे, सचिन घाटगे, बावठाणकर, बंटी नारायणकर, प्रा.शिवशरण अचलेर, रविंद्र नष्टे, दर्शन घाटगे, संदीप गोंडाळ, धनराज स्वामी, गिरीश पवार, प्रविण घाटगे, आदीत्य गवंडी, तुषार मोरे आदींसह
कै.कल्याणराव इंगळे तंत्रनिकेतन महाविद्यालयाचे शिक्षक शिक्षकेत्तर कर्मचारी उपस्थित होते.

फोटो ओळ – प्रा.डॉ.सुनिलदत्त कुलकर्णी यांचा सत्कार करताना प्रथमेश इंगळे तर दुसऱ्या छायाचित्रात कै.कल्याणराव इंगळे यांच्या पुतळ्यास मानवंदनप्रसंगी प्रा.डॉ.सुनिलदत्त कुलकर्णी, अमोलराजे भोसले, प्रथमेश इंगळे, प्रा.नागनाथ जेऊरे व अन्य दिसत आहेत.