समर्थांच्या भक्ती चिंतनामुळे कुटुंबीयांना उत्तम आरोग्य व मनशांतीची फलप्राप्ती – आ.श्रीकांत भारतीय

समर्थांच्या भक्ती चिंतनामुळे कुटुंबीयांना उत्तम आरोग्य व मनशांतीची फलप्राप्ती – आ.श्रीकांत भारतीय

आ.श्रीकांत भारतीय यांनी सपत्निक घेतले श्री स्वामी समर्थांचे दर्शन.

(प्रतिनिधी अक्कलकोट, दि.७/६/२३) महाराष्ट्र शासनाचे माजी विशेष कार्यकारी अधिकारी व भारतीय जनता पार्टीचे आमदार श्रीकांत भारतीय यांनी नुकतेच येथील श्री वटवृक्ष स्वामी महाराज देवस्थानास सपत्निक भेट देऊन श्री स्वामी समर्थांचे दर्शन घेतले. या प्रसंगी मंदिर समितीच्या वतीने समितीचे चेअरमन व नगरसेवक महेश इंगळे यांनी श्रीकांत भारतीय यांचा सपत्नीक श्री स्वामी समर्थांचे कृपावस्त्र, प्रसाद, प्रतिमा देऊन यथोचित सत्कार केला. याप्रसंगी बोलताना भारतीय यांनी मी व माझे संपूर्ण कुटुंब हे श्री स्वामी समर्थांचे निस्सीम भक्त आहोत. स्वामी समर्थांच्या भक्ती चिंतनामुळे माझ्या व माझ्या कुटुंबियांना उत्तम आरोग्य व मनःशांतीचे फलित प्राप्त झाले आहे. समर्थांची कृपादृष्टी माझ्यासह नेहमीच कुटुंबियांच्या पाठीशी राहावी याकरिता आज आपण येथे सपत्निक येऊन श्री स्वामी समर्थांचे दर्शन घेतले असल्याचे मनोगत भारतीय यांनी या प्रसंगी व्यक्त केले. यावेळी युवा नेते उदय पाटील, रमेश पाटील, नगरसेवक महेश हिंडोळे, नागराज कुंभार, मल्लिनाथ स्वामी, दयानंद बिडवे, गिरीश पवार, श्रीकांत मलवे, महेश मस्कले, ऋषिकेश लोणारी इत्यादी उपस्थित होते.

फोटो ओळ – वटवृक्ष मंदिरात श्रीकांत भारतीय यांचा सपत्नीक सत्कार करताना महेश इंगळे, महेश हिंडोळे, नागराज कुंभार, व अन्य दिसत आहेत.