कर्तव्य फाउंडेशनचा उपक्रम : शेठ ताराचंद रामनाथ धर्मार्थ रुग्णालयाच्या NICU विभागाला दोन छताचे पंखे भेट
पुणे – सामाजिक बांधिलकी जपत कार्यरत असलेल्या कर्तव्य फाउंडेशन तर्फे शेठ ताराचंद रामनाथ धर्मार्थ रुग्णालयाच्या नवजात अतिदक्षता विभागाच्या (NICU) प्रतिक्षा कक्षासाठी दोन छताचे पंखे भेट देण्यात आले.
या प्रसंगी रुग्णालयाचे डॉ. विजयकुमार देवकर, फाउंडेशनचे अध्यक्ष विकास भांबुरे, कार्याध्यक्ष अशोक देशमुख, उपाध्यक्ष मोहसीन शेख, तसेच विजय भोसले, सुनील बाथम आणि बबलू सय्यद उपस्थित होते.
रुग्णालयाच्या नवजात अतिदक्षता विभागाबाहेरील प्रतिक्षा कक्षात थांबणाऱ्या नातेवाईकांना उष्णतेमुळे आणि मच्छरांमुळे होत असलेला त्रास लक्षात घेऊन कर्तव्य फाउंडेशनने ही सामाजिक मदत केली आहे. “रुग्णालयात येणाऱ्या सर्वसामान्य नागरिकांच्या सोयीसाठी काहीतरी करावे या भावनेतून हा छोटासा उपक्रम हाती घेतला,” असे अध्यक्ष विकास भांबुरे यांनी सांगितले.
दरम्यान, या सामाजिक कार्याबद्दल रुग्णालयातर्फे डॉ. देवकर यांनी कर्तव्य फाउंडेशनचे मनःपूर्वक आभार मानले आणि अशा प्रकारच्या समाजोपयोगी उपक्रमांमुळे रुग्णालयातील सेवा अधिक परिणामकारक होतात, असे नमूद केले.
🟢 कर्तव्य फाउंडेशनचा हा उपक्रम समाजातील संवेदनशीलतेचे उत्तम उदाहरण ठरला आहे.
×
No WhatsApp Number Found!
