अक्कलकोट येथे दिनदर्शिका २०२६ चे उत्साहात प्रकाशन समारंभ संपन्न 

अक्कलकोट येथे दिनदर्शिका २०२६ चे उत्साहात प्रकाशन समारंभ संपन्न

(प्रतिनिधी)

अक्कलकोट —- अभिजीत मालक पाटील मित्र परिवार, चपळगाव यांच्या वतीने प्रकाशित करण्यात आलेल्या दिनदर्शिका २०२६ चे प्रकाशन अक्कलकोट शहरातील भारतीय जनता पार्टी कार्यालयात उत्साहपूर्ण वातावरणात पार पडले. या दिनदर्शिकेचे प्रकाशन नुतन नगराध्यक्ष मिलन दादा कल्याणशेट्टी व सागर दादा कल्याणशेट्टी यांच्या शुभहस्ते करण्यात आले.
या कार्यक्रमास भाजपचे पदाधिकारी, कार्यकर्ते, विविध सामाजिक क्षेत्रातील मान्यवर तसेच नागरिक मोठ्या संख्येने उपस्थित होते. यावेळी मान्यवरांनी दिनदर्शिकेचे कौतुक करत अशा उपक्रमांतून समाजामध्ये सकारात्मक विचारांची जोपासना होत असल्याचे मत व्यक्त केले.
दिनदर्शिका २०२६ मध्ये राष्ट्रीय नेते, महत्त्वाचे धार्मिक व सामाजिक सण-उत्सव, तसेच प्रेरणादायी सामाजिक संदेशांचा समावेश करण्यात आला आहे. समाजामध्ये एकोपा, राष्ट्रप्रेम व संघटन बळकट व्हावे, या उद्देशाने ही दिनदर्शिका प्रकाशित करण्यात आल्याचे यावेळी अभिजीत मालक पाटील मित्र परिवारच्या वतीने सांगण्यात आले.
कार्यक्रमाच्या यशस्वी आयोजनासाठी अभिजीत मालक पाटील मित्र परिवारच्या सर्व सदस्यांनी परिश्रम घेतले. उपस्थित मान्यवरांनी या उपक्रमासाठी आयोजकांचे अभिनंदन करत पुढील सामाजिक उपक्रमांसाठी शुभेच्छा दिल्या.