गुणवंत विद्यार्थी प्रथमेश इंगळेंचा फत्तेसिंह शिक्षण संस्थेकडून सन्मान

गुणवंत विद्यार्थी प्रथमेश इंगळेंचा फत्तेसिंह शिक्षण संस्थेकडून सन्मान

   

उच्च माध्यमिक शिक्षणात अक्कलकोटच्या आय.एम.एस.मध्ये द्वितीय क्रमांक मिळविल्या बद्दल झाला सन्मान.

   

(प्रतिनिधी अक्कलकोट, दि.७/६/२३) –

   

येथील श्री वटवृक्ष स्वामी महाराज देवस्थानचे चेअरमन तथा माजी नगराध्यक्ष व नगरसेवक तथा शहरातील प्रतिष्ठित नागरिक महेश इंगळे यांचे चिरंजीव प्रथमेश इंगळे यांनी महाराष्ट्र राज्य उच्च माध्यमिक परीक्षेत येथील इंडियन मॉडेल स्कूल मधून विज्ञान शाखेतून द्वितीय क्रमांक पटकावून यश संपादन केल्याबद्दल फत्तेसिंहशिक्षण संस्थेच्या वतीने प्रथमेश इंगळे यांचा शाल श्रीफळ पुष्पगुच्छ देऊन सन्मान करण्यात आला. फत्तेसिंह शिक्षण संस्थेचे अध्यक्ष राजीव माने यांनी हा सन्मान केला. याप्रसंगी बोलताना संस्थेचे अध्यक्ष राजीव माने यांनी
महेश इंगळे यांनीही जीवनात खूपच नियमितता सातत्य व परिश्रमातून जीवनाची सार्थकता बाळगलेली आहे. त्या पार्श्वभूमीवर जीवनात उच्च विद्यााविभूषित होऊन इंगळे कुटुंबातील आदर्श व्यक्तिमत्त्वाची परंपरा प्रथमेशनेही कायम ठेवावी अशी भावना व्यक्त केली. यावेळी पंचायत समितीचे माजी उपसभापती स्वामीराव पाटील व संस्थेचे सदस्य संतोष जाधव फुटाणे, मंदिर समितीचे सचिव आत्माराम घाटगे, विश्वस्त महेश गोगी, गिरीश पवार, श्रीकांत मलवे, ऋषिकेश लोणारी, महेश मस्कले इत्यादी उपस्थित होते.

   

फोटो ओळ – फत्तेसिंह शिक्षण संस्थेच्या वतीने प्रथमेश इंगळेचा सत्कार करताना राजीव माने, संतोष जाधव फुटाणे, स्वामीराव पाटील व अन्य दिसत आहेत.