अक्कलकोटच्या विठ्ठल मंदिरात रंगणार विठ्ठल भक्तीचा सोहळा

अक्कलकोटच्या विठ्ठल मंदिरात रंगणार विठ्ठल भक्तीचा सोहळा

   

आषाढी एकादशी निमित्त विविध धार्मिक कार्यक्रमांचे आयोजन

   

(प्रतिनिधी अक्कलकोट, दि.२३/६/२३) – ssgavandi007@gmail.com येथील श्री वटवृक्ष स्वामी महाराज देवस्थान संचलित ए.वन चौक परिसरात असलेल्या सुमारे १५० वर्षापुर्वीच्या हेमाड पंथीय श्री उपलप विठ्ठल मंदिरात सालाबादाप्रमाणे यंदाही आषाढी एकादशी गुरुवार दिनांक २९ जून रोजी साजरी करण्यात येणार आहे. यामुळे सालाबादाप्रमाणे यंदाही येथील विठ्ठल मंदिरात आषाढीनिमित्त वारकऱ्यांच्या उत्साहपूर्वक विठ्ठल भक्तीचा सोहळाच रंगणार आहे. या आषाढी एकादशी निमित्त विविध धार्मिक कार्यक्रमांचे आयोजन देखील करण्यात आले असल्याची माहिती वटवृक्ष मंदिर समितीचे व उपलप विठ्ठल मंदिर व्यवस्थापन समितीचे चेअरमन व नगरसेवक महेश इंगळे यांनी दिली. दिनांक २९ जून रोजी आषाढी एकादशी निमित्त मंदीरातील विठ्ठल रुक्मिणी देवतांस वटवृक्ष देवस्थानकडून समितीचे चेअरमन महेश इंगळे व विठ्ठल मंदिर व्यवस्थापन समितीचे सदस्य श्रीमती आरती उपलप यांच्या हस्ते पहाटे ५ वाजता महाअभिषेक (महापुजा) होईल. यानंतर विठ्ठल मंदीर पटांगणात सकाळी ७ ते ९ या वेळेत मराठवाडयातील चिकूर्डा लातूर येथील श्री दत्त भजनी मंडळ व बेंबळी उस्मानाबाद जिल्ह्यातील अजानुबाहू वारकरी शिक्षण संस्था यांची भजनसेवा होईल. तदनंतर सकाळी ९ ते ११ या वेळेत बेंबळी येथील ह.भ.प.दादा महाराज बेंबळीकर यांची कीर्तन सेवा सादर होईल. या एकादशी निमित्त संपूर्ण विठ्ठल मंदिरास विद्युत रोषणाई करून सजविले जाणार आहे. कार्यक्रमाकरीता आकर्षक असा मंडप शामियाना उभारण्यात येणार आहे. एकादशी निमित्त येणाऱ्या वारकरी भाविकांना श्री वटवृक्ष स्वामी महाराज देवस्थानच्या वतीने उपवासाचे शाबूू खिचडी, केळी प्रसाद, चहा, कॉफी इत्यादी फराळ प्रसादांचे वाटप करण्यात येणार आहे. तरी भाविकांनी श्रींच्या दर्शनाचा, भजन /कीर्तन सेवेचा व फराळ प्रसादाचा लाभ घ्यावा असे आवाहन मंदिर समितीच्या वतीने समितीचेे चेअरमन महेश इंगळे यांनी केलेे आहे.