महेश इंगळे यांनी अध्यात्मिक संस्कारातून स्वामी सेवेचा वसा समर्थपणे सांभाळाला आहे – डॉ.मल्लीनाथ कलशेट्टी

महेश इंगळे यांनी अध्यात्मिक संस्कारातून स्वामी सेवेचा वसा
समर्थपणे सांभाळाला आहे – डॉ.मल्लीनाथ कलशेट्टी

कोल्हापुरातील श्री स्वामी समर्थ भक्त मंडळातर्फे नगरसेवक महेश इंगळे यांचा ज्ञानदीप पुरस्काराने सन्मान

महेश इंगळे यांना ज्ञानदीप पुरस्कार प्रदान केल्यानंतर डॉ.मल्लीनाथ कलशेट्टी यांचे मनोगत.

श्री स्वामी समर्थांच्या भक्ती-सेवा- उपक्रमांमुळे कोल्हापूर व अक्कलकोट वासियांचे अतूट नाते – महेश इंगळे

परमपुज्य थोर स्वामी भक्त कै.ज्ञानेश्वर हरी काटकर साहेब यांच्या स्मृतीप्रित्यर्थ यंदाचा ज्ञानदीप पुरस्कार महेश इंगळे यांना प्रदान

(श्रीशैल गवंडी, दि.१४/०३/२६.अ.कोट)
अक्कलकोट येथील श्री वटवृक्ष स्वामी महाराज देवस्थान हे श्री स्वामी समर्थांचे मूळस्थान आहे. अशा या पवित्र ठिकाणी ट्रस्टचे अध्यक्ष तथा नगरसेवक महेश इंगळे यांनी आपले वडील कै.कल्याणराव-बाळासाहेब इंगळे यांच्या अध्यात्मिक संस्कारातून श्री स्वामी सेवेचा वसा समर्थपणे सांभाळाला असल्याचे मनोगत पुण्यातील यशदा ट्रेनिंग सेंटरचे संचालक तथा भारतीय प्रशासन सेवेतील कोल्हापूर महापालिकेचे माजी आयुक्त
तथा निस्सीम स्वामी भक्त आय.ए.एस. डॉ.मल्लीनाथ कलशेट्टी यांनी व्यक्त केले.
नुकतेच कोल्हापूर येथील परमपुज्य थोर स्वामी भक्त कै.ज्ञानेश्वर हरी काटकर साहेब यांनी स्थापन केलेल्या प्रज्ञापूरी कोल्हापूर येथील श्री.स्वामी समर्थ मंदीरात श्री.स्वामी समर्थ भक्त मंडळ संस्थेच्या वतीने ज्ञानदीप पुरस्कार वितरण सोहळा मोठ्या भक्ती भावात संपन्न झाला. या प्रसंगी संस्थेच्या वतीने डॉ.मल्लीनाथ कलशेट्टी यांच्या हस्ते
येथील श्री.वटवृक्ष स्वामी महाराज देवस्थानचे चेअरमन तथा नगरसेवक महेश इंगळे यांना हा ज्ञानदीप पुरस्कार सोहळा सुपूर्द करण्यात आला. यावेळी आय.ए.एस. डॉ.मल्लीनाथ कलशेट्टी बोलत होते.
यावेळी बोलताना प्रज्ञापूरी, कोल्हापूर श्री स्वामी समर्थ सार्वजनिक भक्त मंडळ संस्थेचे अध्यक्ष नारायण बुधले म्हणाले की परमपुज्य थोर स्वामी भक्त कै.ज्ञानेश्वर हरी काटकर साहेब यांनी स्थापन केलेल्या प्रज्ञापूरी कोल्हापूर येथील श्री.स्वामी समर्थ मंदीरात श्री.स्वामी समर्थ प्रकटदीन महोत्सव सोहळा दरवर्षी प्रमाणे यंदाही मोठ्या भक्तीभावाने साजरा होत आहे. यानिमीत्ताने श्री स्वामी समर्थ सार्वजनिक भक्त मंडळाच्या रुईकर कॉलनी, प्रज्ञापुरी
कोल्हापूर येथील श्री.स्वामी समर्थ मंदीरात विविध धार्मिक कार्यक्रमांचे आयोजन करण्यात येत असतात.
स्वामी भक्त ज्यांनी कोल्हापूर वासियांना स्वामी भक्तीचा मार्ग दाखविला असे कै. ज्ञानेश्वर हरी काटकर साहेब यांच्या स्मृती प्रित्यर्थ संस्थेच्या वतीने दरवर्षी ज्ञानदीप पुरस्काराने गौरव करण्या प्रित्यर्थ धार्मिक, सामाजिक, शैक्षणिक, व विविध क्षेत्रांमध्ये समाज जीवन उजळविणाऱ्या प्रतिभावान व्यक्तीमत्वांना हा ज्ञानदीप पुरस्कार देण्यात येत असतो.
यापूर्वीही ज्ञानदीप पुरस्कार महाबळेश्वर येथील सनराइज् कॅन्डल्सचे संस्थापक डॉ. भावेश भाटिया, भारतीय सैन्य दलातील स्वयंसिद्धा सुमेधा चिथडे, जे.जे. हॉस्पिटलचे नेत्र विभाग प्रमुख व निष्णात सर्जन डॉ.तात्याराव लहाने व यावर्षी श्री.वटवृक्ष स्वामी महाराज देवस्थानचे चेअरमन महेश इंगळे यांच्या धार्मिक, सामाजिक, शैक्षणिक, राजकीय क्षेत्रातील तसेच श्री स्वामी समर्थांच्या सेवेतील योगदानाची दखल घेवून यंदाचा हा ज्ञानदीप पुरस्कार देण्यात आला असल्याचे मनोगत व्यक्त केले. यावेळी श्री.वटवृक्ष स्वामी महाराज देवस्थानच्या वतीने डॉ.मल्लिनाथ कलशेट्टी व अध्यक्ष नारायण बुधले, विश्वस्त पदाधिकारी प्रकाश चव्हाण, जयसिंग जाधव, सुहास घाटगे, विरेश पांचाळ, सुहास पाटील, नितीन पाटील आदींसह सर्व पदाधिकाऱ्यांचा श्री स्वामी समर्थांचे कृपावस्त्र, प्रसाद, प्रतिमा देऊन महेश इंगळे यांनी यथोचित सत्कार केला.
यावेळी श्री स्वामी समर्थ भक्त मंडळ संस्थेच्या वतीनेही अध्यक्ष नारायण बुधले यांनी नगरसेवक चेअरमन महेश इंगळे, प्रथमेश इंगळे, डॉ.मल्लिनाथ कलशेट्टी, यांचा श्री स्वामी समर्थांचे कृपावस्त्र, कोल्हापूरचे प्रसाद देऊन सत्कार केला. यावेळी व्यासपीठावर श्री स्वामी समर्थ मंडळ संस्थेचे अध्यक्ष नारायण बुधले, विश्वस्त पदाधिकारी प्रकाश चव्हाण, जयसिंग जाधव, सुहास घाटगे, विरेश पांचाळ, एस.बी.साळूंखे, विजय पोवार, चंद्रकांत गायकवाड, बाबूराव पोवार, सत्यजीत कदम, बाबासो जामदार, सुनिल बोंद्रे, दादासो जाधव, दत्तात्रय जाखी, प्रकाश चव्हाण, नगरसेवक महेश मालक इंगळे मित्र परिवारातील शिवशरण अचलेर सर, श्रीकांत झिपरे, अमर पाटील, चंद्रकांत सोनटक्के, सुनील पवार, सोमनाथ सुतार, खाजप्पा झंपले, मनोज इंगुले, मेजर अमोल माने, बाबा सुरवसे, रामलिंगय्या स्वामी, मधुकर सदाफुले, सुरेश वाले सर, अंकुश केत, नंदकुमार जगदाळे, बाळासाहेब एकबोटे, श्रीशैल गवंडी, सागर गोंडाळ, तुषार मोरे, अमोल महाडीक, दर्शन घाटगे, प्रतीक इंगळे, आदित्य गवंडी, स्वामीराव मुसळे, दशरथ लोंढे, रमेश शिंदे, संतोष पराणे, सचिन किरनळी, कुमार हत्तुरे, रमेश कणबसे, मनोज जगताप सर, नामदेव माने, लखन सुरवसे, स्वप्निल गायकवाड, आशिष सातपुते, आदित्य जगदाने, उदय जमगे, प्रतिक इंगळे, संदीप पंडित, विश्वनाथ देवरमनी, काका सुतार, अमर पाटील, सिद्धू बिडवे, दर्शन घाटगे, प्रतिक इंगळे, उदय जमगे, आदीत्य गवंडी आदींसह कोल्हापूर निवासी स्वामी भक्त मोठ्या संख्येने उपस्थित होते.

(चौकट – ज्यांनी कोल्हापूर वासियांना स्वामी भक्तीचा मार्ग दाखविला असे परमपूज्य ज्ञानेश्वर हरी काटकर साहेब यांच्या भक्ती, संस्कार, सेवा या त्रिसुत्रीतून निर्माण झालेली स्वामी भक्ती व कोल्हापूर मध्ये श्री स्वामी समर्थांची सेवा मोठी आहे. व्यक्ती पेक्षा भक्ती श्रेष्ठ या भावनेने
अक्कलकोटला आमच्या घरी आल्यावर प.पु.काटकर साहेब हे भक्ती मनामध्ये असेल तरच स्वामी भेटतात असे नेहमी सांगत. आज येथे लाभलेला ज्ञानदीप पुरस्कार हा परमपूज्य काटकर साहेबांचा एका प्रकारे आशीर्वादच आहे. परमपूज्य काटकर साहेब, कोल्हापूर स्वामी भक्त व इंगळे कुटूंबीयांचे जिव्हाळ्याचे नाते संबंध आहेत. यामुळे हा पुरस्कार मी अत्यंत कृतज्ञता भावनेने व नम्रपणे स्विकारतो.
या पुरस्काराच्या माध्यमातून श्री वटवृक्ष स्वामी महाराज मंदिरात आणखीन जोमाने स्वामी सेवा करण्यास मानसिक बळ मिळेल. पुरस्काराच्या माध्यमातून प्राप्त रक्कम ही श्री वटवृक्ष स्वामी महाराज देवस्थानच्या कार्यासाठी व स्वामी भक्तांच्या सेवेत वापरण्यात येईल. – श्री.महेश क.इंगळे – चेअरमन तथा नगरसेवक श्री.वटवृक्ष स्वामी महाराज देवस्थान अक्कलकोट)

फोटो ओळ – रुईकर कॉलनी कोल्हापूर येथील श्री स्वामी समर्थ मंदिरात डॉ. मल्लिनाथ कलशेट्टी यांच्या हस्ते ज्ञानदीप पुरस्कार स्वीकारताना महेश इंगळे संस्थेचे अध्यक्ष नारायण बुधले, प्रथमेश इंगळे, प्रकाश चव्हाण, जयसिंग जाधव, सुहास घाटगे, विरेश पांचाळ व अन्य दिसत आहेत.