डेंग्यु , हिवताप व चिकनगुनिया यांसारख्या किटकजन्य रोगांची साथी उद्भवू नये यासाठी नागरिकांनी ही काळजी घ्यावी ; पिंपरी-चिंचवड महापालिकेचे आवाहन

महानगरपालिकेमध्ये आरोग्य कार्यकारी अधिकारी यांचे अध्यक्षतेखाली किटकजन्य आजार नियंत्रण करीता मासक्युटो अबेटमेंट समिती स्थापना करण्यात आलेली आहे. शहरातील बांधकाम व्यावसायीक, गृहनिर्माण सोसायटी अध्यक्ष व औद्योगिक अस्थापना यांना किटकजन्य आजाराबाबत करावयाच्या उपाययोजना विषयी माहितीपत्र देण्यात आलेले आहे. सर्व खाजगी वैद्यकीय व्यवसायीक तसेच सर्व पालिका रुग्णालय यांना त्यांच्या रुग्‍णालयात आढळून आलेल्या डेंग्यु NS1 दुषीत आढळून आलेल्या  रुग्णाचा रक्तजलनमुना निश्चित निदानासाठी वाय. सी. एम. रुग्णालय येथे कार्यान्वीत असलेले सेंटीनल सेंटर येथे पाठविणेकामी कळविण्यात आलेले आहे.

पालिका परीसरातील मनपाचे दवाखाना, रुग्णालय, व खाजगी रुग्णालयांमध्ये आढळुन येणाऱ्या डेंग्यु/ हिवताप / चिकनगुनिया सदृश /दुषित रुणांचे वास्तवाचे परिरसरात डासोत्पत्ती प्रतिबधांत्मक कार्यवाही करीता औषध फवारणी, औष्णिक धुरीकरण व कंटेनर सर्वेक्षण करीता आरोग्य विभाग, क्षेत्रिय कार्यालय मधील संबंधित आरोग्य निरिक्षक (किटकनाशक) /मलेरीया निरीक्षक यांना वैद्यकीय विभागामार्फत कळविण्यात आले आहे.

वैद्यकीय विभागांतर्गत असलेल्या 8 रुग्णालय व 34 दवाखान्यांमार्फत प्रत्येक आठवड्याला पिंपरी-चिंचवड शहरामधील विविध ठिकाणी लहान बालकांचे लसीकरण सत्र घेण्यात येतात. अशा सत्रामध्ये किटकजन्य आजाराचा प्रादुर्भाव रोखणेकरिता जनजागरण करण्यात येते. तसेच सदर सत्रांमध्ये एम.पी.डब्ल्यू. व ए.एन.एम. कर्मचा- यांमार्फत नागरिकांना परिसर स्वच्छता, घरांमधील साफसफाई, रोगाचा प्रादुर्भाव होऊ नये याकरिता घ्यावयाची काळजी इ. बाबींसंदर्भात शिक्षण देण्यात येत आहे.

शहरातील नागरिकांमध्ये किटकजन्य आजाराबाबत जनजागृतीकामी माहितीपत्रके (डेंगीबाबतची माहिती व त्याकरिता घ्यावयाची दक्षता) रुग्णालयीन कर्मचारी तसेच आरोग्य विभागाचे कर्मचा-यांमार्फत घरोघरी वाटप करुन जनजागृती करण्यात येत आहे. तसेच महानगरपालिकेच्या सर्व रुग्णालयांमध्ये व दवाखान्यांमध्ये ओ.पी.डी. चे ठिकाणी नागरिकांनाही सदरची पत्रके वाटप करण्यात येत आहे.

महापालिकेच्या रुग्णालयांत व दवाखान्यांमध्ये डेंगीचे तपासणीकरिता आवश्यक असलेले Rapid Kit उपलब्ध करुन देण्यात आलेले आहे. किटकजन्य रोग नियंञणकामी डासोत्पत्ती स्थाने नष्ठ करणेबाबत अळी प्रतिबंधक उपाययोजनांतर्गत स्वच्छ पाण्यात गप्पी मासे सोडणे, नागरीकांचे घराचे कंटेनर सर्वेक्षण, व्यवसायाच्या ठिकाणांचे सर्वेक्षण करणेबाबत आरोग्य मुख्य कार्यालयास पत्रव्यवहार करण्यात आलेला आहे. भंगार मालाची व टायर, पंक्चर दुकाने तपासणी मोहिम वैद्यकीय विभाग व आरोग्य विभाग यांनी संयुक्तीक पध्दतीने राबविली असल्याचे आरोग्य वैद्यकीय अधिकारी डॉ. लक्ष्मण गोफणे यांनी सांगितले आहे.