स्वामी कृपेची सावली कुटूंबीयांच्या पाठीशी राहण्याकरिता स्वामीं चरणी साकडे – खा.सुनील तटकरे

स्वामी कृपेची सावली कुटूंबीयांच्या पाठीशी राहण्याकरिता स्वामीं चरणी साकडे – खा.सुनील तटकरे

 येथील वटवृक्ष निवासी श्री स्वामी समर्थांचे आपण व माझे कुटुंबीय हे निस्सिम भक्त आहोत. स्वामी कृपेची सावली आमच्या पाठीशी आहेच, परंतु यापुढेही त्यांची कृपा आमच्या कुटुंबीयांवर राहावी व त्यांच्या आशीर्वादाने भक्तीमय जीवन व्यतीत व्हावे व स्वामी कृपेने स्वामी कृपेची सावली यापुढेही आमच्या कुटुंबीयांच्या पाठीशी राहावे याकरिता स्वामी समर्थांच्या चरणी साकडे घातले असल्याचे मनोगत राष्ट्रवादी काँग्रेसचे रायगड जिल्ह्याचे खासदार व माजी मंत्री सुनील तटकरे यांनी व्यक्त केले. ते नुकतेच येथील श्री वटवृक्ष स्वामी महाराज मंदिरास सहकुटुंब भेट देऊन श्री स्वामी समर्थांचे दर्शन घेतले. याप्रसंगी मंदिर समितीच्या वतीने समितीचे चेअरमन व नगरसेवक महेश इंगळे यांनी त्यांचा श्री स्वामी समर्थांचे कृपावस्त्र, प्रसाद, प्रतिमा देऊन यथोचित सन्मान केला. यावेळी तटकरे बोलत होते. याप्रसंगी अक्कलकोट राष्ट्रवादीचे नेते दिलीप भाऊ सिध्दे, शिवकुमार स्वामी, स्वामी चौगुले, मंदिर समितीचे सचिव आत्माराम घाटगे, विश्वस्त महेश गोगी, व्यंकटेश पुजारी, गिरीश पवार, श्रीशैल गवंडी, संजय पवार, प्रसाद सोनार, दीपक गवळी, विपुल जाधव, आदींसह तटकरे कुटुंबीय व स्वामी भक्त उपस्थित होते.

फोटो ओळ – श्री वटवृक्ष स्वामी महाराज मंदिरात खा.सुनील तटकरे व कुटुंबीयांचा सत्कार करताना महेश इंगळे, दिलीप भाऊ सिध्दे व अन्य दिसत आहेत.