जागतिक लिंगायत महासभा सोलापूरच्या वतीने साहित्यिक, विचारवंत डॉ डॉ.जे.एस.पाटील यांना सत्कार

जागतिक लिंगायत महासभा सोलापूरच्या वतीने साहित्यिक, विचारवंत डॉ
डॉ.जे.एस.पाटील यांना सत्कार

सोलापूर

सोलापूर जिल्हा जागतिक लिंगायत महासभेच्या वतीने विजयापूर येथील साहित्यिक, विचारवंत डॉ.जे.एस.पाटील आणि श्रीशांत पाटील त्यांच्या निवासस्थानी सत्कार करण्यात आला.

मंगळवारी महासभेचे अध्यक्ष शिवानंद गोगाव यांच्या नेतृत्वाखाली विजयपूरला गेलेल्या सदस्यांनी डॉ.जे.एस.पाटील यांची भेट घेतली, त्यांची प्रकृती जाणून घेतली, त्यांच्या संशोधन, साहित्य , कार्यक्रम बद्दल चर्चा केली आणि सोलापूर येथे दोन दिवसीय अभ्यास शिबिरासाठी आमंत्रित करण्यात आले. कर्नाटक महाराष्ट्र राज्यात डॉ.पाटील बसवतत्व प्रसारण आणि साहित्य संशोधनात उत्कृष्ट कार्य करत आहेत, लिंगायतांना एकत्र आणण्याचे खूप काम करत आहेत आणि त्यांच्या युट्युब चॅनलच्या माध्यमातून ते सत्य लोकांपर्यंत पोहोचवण्याचे परिश्रम घेत आहेत. सन्मान स्वीकारून डॉ.पाटील म्हणाले की, लिंगायत एकत्र आले तरच पुढच्या काळात चांगले भविष्य आहे. लिंगायत बांधव आपली तत्वे विसरुन ते आपला वेळ आणि पैसा खर्च करत आहेत. स्वतःला चांगल्या शिक्षणापासून वंचित ठेवतात. ते सुधारण्यासाठी प्रयत्नशील असून लिंगायत बांधावा कडून चांगले सहकार्य मिळत आहे. शिबिरांच्या माध्यमातून लिंगायत एकत्र येऊन सत्याची जाणीव करून देत असल्याचे ते म्हणाले.
सोलापुरात युवकांसाठी दोन दिवसीय अभ्यास शिबिराचे आयोजन करण्यात येत असून या कामात पाटील यांनी सहकार्य करण्याची विनंती महासभेचे अध्यक्ष शिवानंद गोगाव यांनी केली. पत्रकार व साहित्यिक चन्नवीर भद्रेश्वरमठ यांनी पाटील यांच्याशी शरणा साहित्यावर चर्चा केली. त्यांनी शरण यांच्या अनेक साहित्यकृती मराठीत आणण्याबाबत चर्चा केली आणि त्यांच्या भविष्यातील प्रकल्पांबाबत सल्ला विचारला.
साहित्य चन्नवीर भद्रेश्वरा मठ, सोलापूर शहर शखे चे अध्यक्ष विजयकुमार भावे, उपाध्यक्ष शिवराज कोटगे, राजेंद्र खसगी, राजेंद्र हौदे प्रतिभा पाटील, विनोद पोमाजी आदी उपस्थित होते.