पहिल्याच पावसात सोलापूर – पुणे मार्गावर खड्डेच खड्डे ; वाहन चालकांची कसरत

सोलापूर दि.२६, राज्यात यंदा मान्सूनचा तारखे आधीच धडाक्यात आगमन झाले आहे. अनेक जिल्ह्यांना रेड आणि ऑरेंज अलर्ट देखील देण्यात आले आहे. अशातच काल पुणे आणि सोलापूर जिल्ह्यात झालेल्या मुसळधार पावसामुळे सोलापूर -पुणे-सोलापूर महामार्गावर पहिल्याच पावसात मोठमोठे खड्डे पडले आहेत.

सोलापूर -पुणे-सोलापूर महामार्गावरील भिगवण ते उरुळी कांचन पर्यंत खड्डेच खड्डे पडले आहेत, यामुळे वाहन चालकांना कसरत करावी लागत आहे. अचानक दिसणारे खड्डे चुकवत असताना अपघाताची स्थिती उद्भवत आहेत. दरम्यान या खड्ड्यांमुळे आज सकाळी एका दुचाकीचा अपघात झाल्याची माहिती आहे.

मान्सून पुर्व आलेल्या पावसामुळे प्रशासानाला रस्ते दुरुस्ती साठी वेळ मिळाला नसेल असा अंदाज असला तरी पहिल्याच पावसात रस्ता खराब झाल्यामुळे रस्ते बांधकाम विभागाच्या कामावर प्रश्न उपस्थित केला जात आहे.

दरम्यान सदर रस्ते लवकरात लवकर दुरुस्त करून प्रवाशांना सुलभ रस्ता तयार करून देण्याचे आव्हान प्रशासनासमोर असणार आहे.