श्री वटवृक्ष स्वामी महाराज मंदिरात गुरुप्रतिपदा उत्सव साजरा ;महेश इंगळे व अमोलराजे भोसलेंच्या हस्ते पालखी सोहळ्याचा शुभारंभ.
शहरातील पालखी मिरवणुकीने दृढ झाला भाविकांचा भक्तीभाव
श्री वटवृक्ष स्वामी महाराज मंदिरात गुरुप्रतिपदा उत्सव साजरा
शहरातील पालखी मिरवणुकीने दृढ झाला भाविकांचा भक्तीभाव
महेश इंगळे व अमोलराजे भोसलेंच्या हस्ते पालखी सोहळ्याचा शुभारंभ.
(अक्कलकोट) प्रतिनिधी –
आज माघ कृष्ण पक्ष प्रतिपदा, श्री गुरुप्रतिपदा, दत्त सांप्रदायेतील तिसरे अवतार तथा येथील वटवृक्ष निवासी श्री स्वामी समर्थांचे आद्य अवतार श्री गुरु नृसिंह सरस्वती यांचे महानिर्वाण दिन.
या दिनानिमीत्त सालाबादाप्रमाणे आज सोमवार रोजी येथील श्री वटवृक्ष स्वामी महाराज मंदिरात गुरुप्रतिपदा उत्सव मोठ्या भक्तिभावात साजरा करण्यात आला.
मंदीर समितीचे चेअरमन व नगरसेवक महेश इंगळे यांच्या प्रमुख उपस्थितीत पुरोहित मोहनराव पुजारी व मंदार पुजारी यांच्या विधीवत आरतीने आज पहाटे ५ वाजता श्रींची काकड आरती, व महेश इंगळे यांच्या हस्ते मंदार महाराज व ब्रह्मवृंदांच्या मंत्रोच्चारात सकाळी ८:३० वाजता श्रींच्या चरणी पारंपरिक विधिवत देवस्थानचे लघुरुद्र झाले. पहाटे ५ च्या काकड आरतीनंतर मंदिर भक्तांना दर्शनासाठी खुले करण्यात आले.
दुपारी ११:३० वाजता नैवेद्य आरतीने श्रींना महानैवेद्य अर्पण करून भक्त निवास येथे स्वामी भक्ताना भोजन महाप्रसाद देण्यात आले. हजारो स्वामी भक्तांनी या भोजन प्रसादाचा लाभ घेतला. गुरुप्रतीपदेच्या पुण्य मुहूर्तावर दिवसभर अनेक भाविकांनी स्वामींचे दर्शन घेऊन आजच्या पुण्यदिना दिवशी स्वामी दर्शनाच्या पुण्याईचे फळ पदरी घेतले. सर्व स्वामी भक्तांचे दर्शन सुलभतेने होणेकारिता मंदिर समितीचे चेअरमन महेश इंगळे यांच्या मार्गदर्शनाखाली कर्मचारी व सेवेकरी प्रयत्नशील होते. सायंकाळी ५ वाजता श्रींच्या सजविलेल्या पालखी सोहळ्याची सुरुवात देवस्थानचे पुजारी मोहन महाराज, मंदार महाराज यांचे हस्ते आरती करून देवस्थानचे चेअरमन महेश इंगळे व श्री स्वामी समर्थ अन्नछत्र मंडळाचे कार्यकारी विश्वस्त अमोलराजे भोसले यांचे हस्ते पालखी पूजन करून पालखी मिरवणुकीस प्रारंभ करण्यात आले. पालखी मिरवणुक फत्तेसिंह चौक, मेन रोड, कारंजा चौक, समाधि मठ, परतीचा मार्ग कारंजा चौक, मौलाली गल्ली, सुभाष गल्ली, मधला मारुती, भारत गल्ली, देशमुख गल्ली, मार्गे वटवृक्ष मंदिरात रात्री साडे नऊ वाजता पालखी मंदिरात आल्यानंतर गुरु भजन होवून उपस्थित सर्व भाविकांना मंदिर समितीच्या वतीने शिरा प्रसाद वाटप करून या गुरूप्रतिपदा उत्सव कार्यक्रमाची सांगता झाली. यावेळी मंदार महाराज पुजारी, महेश इंगळे, अमोलराजे भोसले, मंदिर समितीचे सचिव आत्माराम घाटगे, विश्वस्त महेश गोगी, उज्वलाताई सरदेशमुख, संपतराव शिंदे, श्रीशैल गवंंडी, चंद्र्कांत गवंडी, शशिकांत लिंबीतोटे, प्रदिप हिंडोळे, दिपक जरिपटके, शिवशरण अचलेर, अमर पाटील, प्रविण देशमुख, चंद्रकांत सोनटक्के, प्रथमेश इंगळे, प्रसन्न हत्ते, रामचंद्र समाणे, किरण किरात, सागर गोंडाळ, गिरीश पवार, विश्वास शिंदे, प्रसाद सोनार, महेश काटकर, संजय पवार, स्वामीनाथ लोणारी, श्रीशैल गवंडी, ऋषिकेश लोणारी, अविनाश क्षीरसागर, संतोष जमगे, लखन सुरवसे, नरसिंग क्षीरसागर, दादा सावंत, नागनाथ जेऊरे, आदींसह देवस्थानचे सेवेकरी व अनेक स्वामीभक्त उपस्थित होते.
फोटो ओळ = पालखी मिरवणूक शुभारंभ प्रसंगी महेश इंगळे, अमोलराजे भोसले, मंदार पुजारी, प्रथमेश इंगळे व इतर दिसत आहेत.
