आम्हा पुणेकरांचे अन्नछत्र मंडळ हे श्रद्धास्थान : दुहेरी महाराष्ट्र केसरी विजेता पै. शिवराज राक्षे, पुणे

अक्कलकोट : (प्रतिनिधी)
श्री स्वामी समर्थ अन्नछत्र मंडळाचे संस्थापक अध्यक्ष जन्मेजयराजे भोसले यांच्या मार्गदर्शनाखाली व न्यासाचे प्रमुख कार्यकारी विश्वस्त अमोलराजे भोसले यांच्या नेतृत्वाखाली सुरु असलेले स्वामी कार्य उल्लेखनीय असून, न्यासाच्या परिसरातील स्वच्छता, नम्रसेवा व व्यवस्थापन उत्तम आहे. आम्हा पुणेकरांचे अन्नछत्र मंडळ हे श्रद्धास्थान असल्याचे मनोगत दुहेरी महाराष्ट्र केसरी विजेता पै. शिवराज राक्षे, पुणे यांनी व्यक्त केले.

   

ते श्रीक्षेत्र अक्कलकोट येथील श्री स्वामी समर्थ अन्नछत्र मंडळात आले असता न्यासाचे सचिव शामराव मोरे यांच्या हस्ते श्रींची प्रतिमा, कृपावस्त्र व श्रीफळ देऊन मंडळाच्या वतीने सत्कार करण्यात आला, यावेळी ते बोलत होते.

   

यावेळी मंडळाचे मुख्य पुरोहित अप्पू पुजारी, सिद्धाराम कल्याणी, एस.के.स्वामी, बाळासाहेब पोळ, शहाजीबापू यादव, सतीश महिंद्रकर, नामा भोसले, बाळासाहेब घाडगे, सौरभ मोरे, दिनेश हळगोदे, प्रविण घाटगे, गोटू माने, दत्ता माने, बबुशा महिंद्रकर, प्रसाद हुल्ले, महांतेश स्वामी, समर्थ घाडगे, देवराज हंजगे यांच्यासह सेवेकरी, कर्मचारी, भक्तगण बहुसंख्येने उपस्थित होते.